Ким преку тајни патишта стига до милиони, а и откриено со што тргува!
Аналитичарите Лукас Куо и Лорен Сунг забележале повеќе од 100 бродови во водите во близина на пристаништето Хајзу во Северна Кореја пред една година, јавува CNN.Како дел од неговата работа за Центарот за напредни одбранбени студии во Вашингтон, непрофитна организација која анализира безбедносни проблеми, двајца аналитичари го следат сообраќајот во водите на Северна Кореја и Североисточна Азија.Причината за нивната работа се наводите дека Пјонгјанг продава јаглен и други вредни добра, понекогаш во многу големи количини на отворено море, со цел да се избегнат царините што мора да ги применат санкциите на УН против Северна Кореја.
Наместо да пренесуваат стока на пристаништето, Севернокорејците, наводно, пренесуваат стоки од еден брод до друг и го прикриваат потеклото.Ваквите „трансфери“ од брод до брод можат, во зависност од тоа што се продава, да донесат десетици милиони долари на режимот на Ким Јонг-Ун, на кој му недостасуваат пари.Ваквите трансфери се брзи и дискретни и обично вклучуваат максимум неколку бродови.Но, Сунг и Куо видоа десетици бродови кои мистериозно пловеа кон Северна Кореја и открија масовна операција, наводно, вредна милиони долари која вклучувала 279 бродови кои ги заобиколија санкциите на УН.
Бродовите не носеа оружје, дрога, пари или јаглен, туку беа искористени за ископување и транспорт на песок. Можеби изгледа безопасно, но на Северна Кореја и е забрането да извезува земја и камења, како и песок. И покрај ова, Северна Кореја заработи најмалку 22 милиони долари од извозот на песок минатата година, рекоа истражувачите на УН во извештајот во април.
Тие тврдат дека Пјонгјанг испратил милион тони песок во странство од мај до декември минатата година. Куо и Сунг, велат тие, ги следат бродовите со недели додека не забележат образец: сите бродови во севернокорејските води имаат врски со Кина, некои носеа кинески знамиња, други имаа кинески имиња.
Двајцата истражувачи стигнаа и до сателитски слики кои покажале облаци од песок под десетици багери и копачи, што, како што тврдат, е доказ дека песокот се извлекува масовно од дното во севернокорејските води.
Сунг ја анализира продажбата и ископувањата на песок од раните 90-ти до денес во Северна Кореја, кои покажуваат дека ова не е ништо ново. Северна Кореја отсекогаш извезувала песок во многу соседни земји, а сега се обидува да го стори тоа „надвор од радарот“. Современата цивилизација е изградена на различни видови песок што е клучна компонента на бетон, стакло, па дури и процесори за електронски уреди.
Годишно, човештвото троши 50 милијарди тони песок, повеќе од кој било природен ресурс освен вода.
Додека пустинскиот песок е премногу мазен за употреба во градежништвото затоа што нема добри својства за врзување, речниот песок обично е најдобар за производство на цемент. Песокот од дното на океанот е исто така добар, но мора да се исчисти и да се исцеди пред употреба.Северна Кореја со години и продава песок на Јужна Кореја, а само во 2008 година заработи над 73 милиони долари. Трговијата тогаш беше прекината.Кина, како најголем потрошувач на песок во светот, користеше повеќе песок за време на проширувањето на градежништвото, од 2011 до 2013 година, од Соединетите држави во целиот 20 век, и сè уште користи повеќе од остатокот на светот.Пекинг отсекогаш ги негираше обвинувањата за кршење на санкциите кон Северна Кореја.Сепак, постои можност и дека Пјонгјанг е помалку заинтересиран за самиот песок, и повеќе за продлабочување или проширување на пристаништето Хаеџу.