ВЕ ВРАЌАМЕ ВО ВРЕМЕТО НА ШПАНСКИОТ ГРИП! Фотографии кои потсеќаат на денешнава Корона реалност…да не кажеме идентични…

Додека светот се привикнува да живее во новата реалност создадена од пандемијата со новиот коронавирус, многумина потсетуваат како изгледаше најсмртоносната пандемија во поновата историја – Шпанскиот грип.

Пред нешто повеќе од 100 години, на крајот од Првата светска војна, вирусот H1N1 се прошири низ целиот свет и зарази околу една третина од тогашната светска популација. Околу 500 милиони лица биле инфицирани, а се проценува дека над 50 милиони лица починале од вирусот. Погледнете црно-бели фотографии од животот во тоа време:

Слично како денес, училиштата, театрите и црквите биле затворени, групните настани биле забранети, а на луѓето им било кажано да седат дома. Во многу места од светот, носењето маска станало задолжително, а плукањето и кашлањето во јавност биле забранети.

Но, за разлика од условите во кои денес живееме, лекувањето тогаш било ограничено. Само за информација, првиот антибиотик, пеницилинот, бил откриен 10 години подоцна, во 1928 година. Заразените се соочувале со ужасни симптоми и многу пателе пред да починат.

Најголем дел од починатите биле мажи на возраст од 20 до 40 години. Тоа сериозно ја нарушило рамнотежата меѓу половите во многу земји и довело до дефицит на работна сила, па на жените им станало многу полесно да станат дел од пазарот на трудот.