Започна тестирањето на сите 11 милиони жители на Вухан

15 мај, 2020
вухан

Поради неколку нови случаи на зараени се појави страв од втор бран на инфекцијата

Во Вухан започна тестирањето на сите 11 милиони жители.

Здравствените експерти проценуваат дека ваквото тестирање е без преседан. Тестирањето во моментов се прави на четири локации. Приоритет ќе имаат вработените во образованието, здравството, транспортот и трговијата, државните службеници и граѓаните кои доаѓаат од странство.

Властите во Вухан, каде започна пандемијата и каде беа 80% од сите заразени во Кина, оваа недела започнаа кампања за тестирање , бидејќи поради неколку нови случаи на заразени се појави страв од вториот бран на инфекција, пренесува Ројтерс.

Вухан во април беше ослободен од карантинот, што траеше 76 дена. Сепак, се стравува од можни асимптоматски случаи. Секој ден може да се тестираат 100.000 луѓе.