Адел целосно ги збуни луѓето со нејзината трансформација, но експертите велат дека тоа не е поради диета
Адел ги воодушеви своите следбеници на Инстаграм со нејзината целосна трансформација. Во преден план е фактот дека таа изгубила околу 40 килограми, но многумина забележуваат нешто друго.
Ваквото драстично губење на килограми, логично, е во состојба целосно да ја трансформира личноста. Сепак, многу луѓе забележале дека Адел изгледа како сосема друга личност во лицето, и тоа не само поради губење на тежината. Нешто е различно и никој не може да утврди што точно. Сепак, естетските хирурзи веруваат дека точно знаат што е тоа.
„Да беше само губење на тежината, Адел би изгледала сосема поинаку – пред сè, таа би имала голем вишок на кожа, што би се видело и на лицето“, посочува д-р Чик, естетски хирург од клиниката во Хемстејд.
„Фактот дека таа сè уште има волумен во образите и дефинираната вилица јасно покажува дека таа користела филери за да спречи губење на ткивото на лицето“, вели тој.
Покрај тоа, д-р Луси Гленси забележува дека Адел сега ги подигнала веѓите, што е јасен знак дека таа исто така користела ботокс.
Начинот на губење на тежината на Адел не е ни сосема јасен – повеќето веруваат дека таа го стеснила желудникот, но Адел во 2015та година изјавила дека „не сака никогаш да има врска со пластична операција“. „Ќе изгледам вака засекогаш, помирете се со тоа“, изјави таа за „Time“ во 2015та година, па многу луѓе мислат дека таа изгубила тежина со исклучително рестриктивна диета од само 1000 калории на ден.
“Факт е дека таа зрачи и изгледа здраво, но и дека лицето изгледа извајано. На толку големо слабеење, во овој случај би било невозможно без естетска хирургија, нејзиното лице би висело”, вели д-р Чик и додава дека претпоставува дека Адел користела ласер за да се стимулира производството на колаген и да се затегне кожата, особено околу очите, вилицата, вратот и рацете.
“Природното губење на тежината не би изгледало така. Нејзината вилица е јасно дефинирана, нема брчки, кожата не виси. Тоа е невозможно”, вели и д-р Луси.