Дали Џиџи Хадид тајно се породи?! Нејзините најблиски испраќаат и објавуваат пораки кои го наговестуваат тоа

17 септември, 2020
1311553

Откако нејзината сестра Бела објави заедничка фотографија на својот профил и изрази неверојатна среќа, писмото од дедото до внуката, од кое може да се прочита дека се родило бебе, го објави таткото на Џиџи Хадид, Мохамед, кој набргу го избриша истото

Таткото на манекенката Џиџи Хадид, познат инвеститор во недвижнини Мохамед Хадид, на својот Инстаграм профил објави рачно напишано писмо до бебето, поттикнувајќи ги гласините дека неговата ќерка, славниот супермодел го родила своето прво дете.

„Драго мое внуче,тоа сум јас, а моето срце не може да ја сфати среќата што ја чувствувам. Ти посакувам сонце и месечина, ти посакувам најубав живот и да знаеш дека дедо е секогаш тука, затоа што јас ќе сторам сè, ама баш сѐ за тебе, љубов моја. Кога слушнав дека ни пристигнуваш, се насмеав и избришав солза. Јас пуштив солзата затоа што веднаш знаев дека моето срце ќе ти припаѓа тебе“, напиша Мохамед Хадид и под фотографијата на писмото и испрати порака на својата ќерка Џиџи:’ Во името на Бога, скромен сакам да ти кажам дека те сакам и дека сум горд на тебе“.

Шпекулациите на обожавателите дека Џиџи Хадид и нејзиното момче, пејачот Зејн Малик станаа родители започнаа уште овој вторник кога нејзината помлада сестра Бела Хадид објави фотографија од нив две на својот Инстаграм профил. На истата Џиџи позира во долг фустан, истакнувајќи го трудничкиот стомак со рацете, додека Бела ги има фармерките спуштени на колковите и маичката нагоре, па го истакнува и стомакот. Таа исто така напиша:

„11. Јуни 2020 година. Две бебиња, освен што моето е од хамбургер, а она на Џиџи од Зејн. Те сакам неописливо и не можам да престанам да плачам“.

Дека 25-годишната манекенка е бремена беше откриено во април, а набргу потоа нејзината мајка Јоланда потврди дека терминот за породување ѝ е во септември. Ниту Џиџи Хадид ниту Зејн Малик сеуште не ја споделија среќната вест, ниту потврдија дека бебето пристигнало, но судејќи по фактот дека со месеци ја криеле бременоста од сите, никој не би бил изненаден дури во следниот период да откријат сè.