Федерер нема да биде наскоро на теренот: Не тренирам, зошто?

Швајцарецот смета дека тениските турнири нема да се одржат во блиска иднина.

Разговорот меѓу Роџер Федерер и Густаво Куертен, поранешен бразилски тенисер, кој исто така беше и светски рекет број 1, ни донесе неколку интересни одговори од Швајцарецот.

Легендарниот тенисер сè уште не чувствува потреба да тренира, што е секако најважното нешто што го кажа за време на ова интервју. Тој посочи дека враќањето на тениските натпревари не е близу, па затоа не се враќа на тренинзи.

Ова изненади многумина. Додека повеќето тенисери се подготвуваат да се вратат, преку најавите на некои помали, егзибициони турнири, Федерер го поминува времето со семејството.

„Најважно за мене е да имам добар одмор. Не ми недостасува тенисот толку многу да треба да тренирам. Кога ќе бидеме блиску да се вратиме на терените, јас ќе бидам крајно мотивиран да играм повторно. Но, не би било добро да играме пред празни трибини, тоа ќе ми биде многу тешко “, истакна Швајцарецот.

Пандемијата на корона вирусот ги одложи Вимблдон и Олимписките игри во Токио, што во некои медиуми беше најавено како проштален турнир на Роџер. Сега тој ќе мора да почека за обидот да го освои новото олимписко злато, прво во синглови, ќе мора да почека.

Во исто време, Швајцарецот се сети на претходниот момент кога разговараа за крајот на неговата кариера. Беше во летото 2016 година, по операцијата.

Имав тешка операција и беше напорна година. Многумина се прашуваа дали е тоа крај? Не чувствував дека оваа повреда ќе ја заврши мојата кариера. Знаев дека ќе добијам друга шанса. Се вратив и 2017 година беше добра година за мене “, додаде Федерер.