Ги живее своите најсреќни денови: Камерон Дијаз не крие колку и годи мајчинството

Со години, таа глумата ја поставуваше на прво место и стана една од најбараните во Холивуд, но тогаш сфати дека сето ова воопшто не ја исполнува. Ја најде среќата со нејзиниот сопруг Бенџи Маден, а како круна на сè, неодамна дојде нејзината ќерка Радикс.

Познатата 47-годишна актерка Камерон Дијаз зборуваше во своето последно интервју, што всушност е вистинска реткост, бидејќи последниве години избегнуваше средби со медиумите поради нејзината нова животна улога, во која едноставно ужива.

Згодната Американка на која што се сеќаваме од филмовите како „Charlie’s Angels“, „Vanilla Sky“ или „Bad Teacher“, рече дека мајчинството ја исполнува.

„Веќе седум месеци ја поминувам најсреќната фаза од мојот живот, а тоа е мајчинството“, рече насмеаната Камерон Дијаз.

Покрај тоа, таа откри колку се променил нејзиниот секојдневен живот откако е бебето присутно во нејзиниот живот, како и нејзиниот сопруг Бенџи Маден.

Гитаристот на групата ‘Good Charlotte’ веќе подготви музика за својата женска наследничка.

„Нашата рутина се промени неверојатно. Покрај тоа, работите што ги слушаме се променети. Сега „Sesam“ ја пуштаме на ТВ, а ја слушаме и популарната детска песна „Baby Shark“. Бенџи веќе сними серија детски миксови за малата, рече Камерон Дијаз.