Дали спиете во долна облека или не? Експертите открија што е поздраво!

Подобро е да ги оставите „јужните области“ да дишат во текот на ноќта, бидејќи тоа ја намалува можноста за воспаление, иритација, па дури и габични инфекции, и ја зголемува плодноста кај мажите – велат здравствените експерти

Голем број луѓе спијат во долна облека цела година – во зима носат пижами над неа, а во лето остануваат само во гаќи и боксери и маица. Но, тоа не изгледа како паметна идеја, барем така велат лекарите.

Често им велам на моите пациенти да спијат без долна облека – вели американската гинекологистка, др Алиса Двек.

Таа објаснува дека областа на гениталиите не треба постојано да се покрива, особено со ткаенини кои не дишат или апсорбираат влага, бидејќи тоа прави плодна почва за размножување на габи, бактерии и разни иритации. Ова се однесува за жените во менопауза, како и за сите кои се потеат повеќе.

Ако веќе носите гаќи или боксери, тие дефинитивно треба да бидат широки – вели др. Двек.

Студиите покажуваат дека помалку од 18 проценти од луѓето спијат без долна облека, но исто така дека носењето тесни боксерки може да ја намали плодноста на мажот. Ако спиете во шорцеви или пижами без долна облека, едноставно треба да ги миете почесто тоест на секој втор ден.