Еве зошто жените подобро управуваат со парите од мажите!

29 ноември, 2020
bf700a303fb53eaec71e


Кога станува збор за управувањето со пари, жените се подобри од мажите: Тие се задолжуваат помалку и генерално се помалку склони кон ризик.

Од друга страна, мажите почесто се задолжуваат, доцнат со плаќањето сметки и ги забораваат своите финансиски обврски.

Причини зошто жените одат подобро со финансиите

Отсекогаш се сметало дека жените трошат премногу пари на помалку важни работи како што се облека и обувки и дека се „расипнички“. Сепак, се покажа спротивното: Мажите се полоши во управувањето со парите! Жените сè повеќе учат како да управуваат со своите финансии и се подобри во тоа, додека мажите се повеќе рамнодушни кон парите, покажа неодамнешното истражување. Истражувањето открило и дека мажите трошат многу пари на т.н. гаџети и се потпираат на заеми за кои сметаат дека е добар начин да ги покријат сите трошоци. Жените не се однесуваат така, односно е очигледно дека жените рационално управуваат со пари. Мажите со своите ловечки инстинкти и желбата да играат и да манипулираат го претворија светот на финансиите во казино, додека жените во камено доба научија што е важно во животот: да се грижат за набавките и да бидат безбедни кога ќе дојдат лоши времиња.


Постојат многу истражувања за однесувањето на инвеститорите. Иако сакаме да веруваме дека сме логични суштества, првенствено се водиме од нашите емоции. Сепак, истражувањето кое најмногу нè заинтригира покажа дека жените се однесуваат подобро од мажите кога станува збор за инвестирање пари. Ќе ви откриеме четири причини зошто имаме повеќе пари од посилниот пол.

1.Жените се помалку склони кон ризик. Ова значи дека ризикуваме помалку, не само кога трошиме пари, туку и во животот воопшто. Не сме смели, слободно да се изразуваме. Причината за ова е делумно што имаме поголема свесност за ризиците што ги преземаме. Имаме тенденција да бидеме поконзервативни и сакаме душевен мир кога станува збор за нашиот финансиски живот. Ние сме повеќе свесни за ризиците отколку мажите. Според бројни студии, мажите се многу поимпулсивни во одлуките за инвестиции.

2.Жените долгорочно размислуваат за финансии. Ние остануваме помирни во време на турбуленции и чекаме подобри и посветли периоди. Од оваа причина, имаме тенденција да размислуваме долгорочно за своите пари, а тоа е затоа што сме повеќе ориентирани кон целите и можеме да визуелизираме што сакаме да добиеме од нашите пари, сега и во блиска или далечна иднина. Ние секогаш сме свесни за нашите идни цели и не сме мегаломани. Ние гледаме на парите како средство за постигнување на тие цели. Со други зборови, ние не брзаме со големи и непланирани трошоци и секогаш имаме „резервен план“. Општо земено, жените се подобри во поставувањето на целите и следејќи ги нив, ние ги насочуваме нашите инвестиции, додека мажите честопати ќе поставуваат цели, но во занесот на трговијата и шпекулациите тие ќе дејствуваат во сосема друга насока.

3.Жените заштедуваат повеќе од мажите. Жените можат да се концентрираат повеќе на важни работи (како парите) и да постапуваат посмислено отколку мажите кои често постапуваат со своето его, наместо со умот. Како жени, ние интуитивно знаеме дека не можеме да го контролираме економското опкружување и пазарот и сите работи што се случуваат околу нас и над кои едноставно немаме контрола. Ние разбираме дека многу не е во наша контрола, но нешто што е под наша контрола е – заштеди! Секогаш се прашуваме дали заштедуваме доволно за да ги исполниме нашите долгорочни цели?

4.Жените пристапуваат кон својата финансиска иднина со доверба. Најновите истражувања покажуваат дека особено младите жени се загрижени за своите финансии и сакаат добар и професионален совет. Тие штедат повеќе од мажите и генерално се помалку подготвени да ризикуваат. Меѓутоа, младите жени не бегаат од ризик ако враќањето на финансиите е задоволително – повеќе од 13% од жените на возраст под 30 години сакаат да инвестираат во инвестиции со висок принос. Сè на сè, потрагата по одговори на финансиските прашања станува се повеќе и повеќе дигитална. Младите жени имаат поголема веројатност да користат финансиски апликации отколку постарите генерации жени и овој тренд веројатно ќе се интензивира во блиска иднина.

Според Светска банка, 46,6 проценти од сите жени во светот имаат сметка во официјална финансиска институција (во споредба со 54,5 проценти од мажите). Во земјите во развој, само 32,3 проценти од жените и 40,3 проценти од мажите имаат банкарска сметка. Разликите од ден на ден стануваат сè помали.