Кое е вашето идеално хоби за време на изолација базирано на вашиот хороскопски знак?

10 април, 2020
horoskop

Досадно ви е дома? Веројатно сè уште не сте го пронашле вистинската занимација што ќе ве исполни.

За голема среќа хороскопот секогаш има решение, па да видиме што вели хороскопот за секој знак?

Овен – Научете нов рецепт

Овните се динамични и креативни, а исто така се и вистински гурмани. Ако сето тоа го ставите во едно – готвењето звучи како идеално хоби за вас, а сега е вистинското време да ги усовршите вашите кулинарски вештини пробувајќи нови рецепти.

Бик – Вежбајте

Можеби Биковите повеќе сакаат да седат дома во споредба со други знаци, но тие сакаат да поминат еден активен дел од денот пред да се засолнат во нивното засолниште. Ако изолацијата ви го нарушила секојдневниот ритам, време е да се вратите на старите навики. Наместо да плачете по затворената теретана, најдете соодветни видеа за вежбање на YouTube и започнете со вежбање.

Близнаци – Читајте книга

Често на Близнаците им е здодевно дома, па затоа за нив идеалното бегство од реалноста е добра книга. Дури и ако не сте љубители на книги, дајте им шанса и можеби ќе бидете изненадени од тоа колку ќе ве направат посреќни.

Рак – Преуредете соба во вашиот дом

Иако се многу креативни по природа, Раковите обично немаат време да ги реализираат своите идеи кои обично се за уредувањето на домот. Сега имате многу време и добро е да ги реализирате своите идеи. Преуредете една просторија или барем еден агол во домот, а покрај тоа што ќе го намалите вашето време во изолација, ќе бидете горди на вашата работа.

Лав – Започнете блог

Или ако повеќе сакате да снимате видео – влог. Во секој случај, потребно ви е место каде можете да ги искажете своите ставови и мислења, сега кога нема гужва околу вас. Бонус е дека можете да станете славни, а сите знаеме дека Лавовите обожаваат да бидат во центарот на вниманието.

Девица – Научете нов јазик

Практичните и организираните Девици не сакаат да го минуваат времето без да прават нешто. Затоа идеално хоби за вас во оваа изолација е учење нов јазик кој сигурно ќе ви служи добро во вашиот живот и исто така ќе имате нешто ново да додадете во вашето CV.

Вага – Научете да шиете

Вагата обожава убави работи, а особено убава облека. Проблемот е во тоа што тие често замислуваат нешто што не можат да го најдат во продавницата или се вљубуваат во некое златно достојно дизајнерско парче што не можат да си го дозволат. Затоа, шиењето е идеално хоби за Вагата. Освен што можете да бидете многу добри во тоа, затоа што обично сте вешти со рацете, кога ќе научите да шиете, ќе можете да ги шиете креациите што сте ги замислиле.

Скорпија – Засадете градина

На Скорпиите им е многу тешко да бидат затворени во четири sида и постојано бараат изговори за да го напуштат домот. Совршен изговор е садењето градина. Ако немате доволно среќа да имате двор со градина, можете да засадите цвеќиња или билки на тераса (или дури и во домот) за кои понатаму ќе треба да се грижите.

Стрелец – Гледајте документарни филмови

Стрелците секогаш се желни за нови авантури, а особено сакаат да патуваат кон непознатото. Имајќи предвид дека тоа не е возможно во моментот, документарните филмови ќе ве утешат и ќе ве однесат на интересни места во светот.

Јарец – Водете дневник

Отсекогаш сте сонувале да напишете книга? Сега сигурно немате инспирација, па за почеток можете да напишете дневник кој, дури и ако никогаш не го претворите во книга, ќе ви помогне барем да го ослободите мозокот од многу мисли.

Водолија – Средете се себе

Водолиите сакаат да изгледаат убаво и ако немате доволно време да ги правите омилените фризури и да експериментирате со шминка, вистинско време е да ги испробате сите посакувани промени. Со тоа ќе ги усовршите и подобрите своите вештини за фризерство и шминка така што во иднина ќе можете да се подготвите побрзо и полесно каде и да одите.

Риба – Свирете

Родените во знакот Риби уживаат во музиката повеќе од другите и честопати се надарени за тоа, во смисла дека свират барем еден инструмент. Ако сè уште не сте го откриле вашиот скриен талент, тогаш ова е време да го пронајдете.