Како Цеца го прослави роденденот во карантин?

Откако балканската ѕвезда Светлана Цеца Ражнатовиќ се тестираше за Ковид-19, а тестот се покажа позитивен, таа и нејзиниот син Вељко кој исто така е позитивен, се во самоизолација, но како што самите велат, тие се чувствуваат одлично.

Популарната пејачка вчера наполни 47 години, а од пред некој ден таа стана и една од најмладите баби, откако и се роди првиот внук од синот Вељко и снаата Богдана.

Но, ако за мекиците за малиот Жељко се славеше три дена со музика и со преку 200 гости, оваа година Цеца го “прослави” својот роденден во изолација.

Но, таа не беше сама, секако добиваше бројни честитки од своите обожаватели и колеги во текот на целиот ден.

Но најемотивните и најискрени честитки ги доби од ќерката Анастасија, која неколку пати и напиша честитки и посвети на својата мајка во која не ја крие огромната љубов која ја чувствува за неа.