Како да потрошите милион долари за еден час? Лесно! „Биг Шек“ тоа веќе го има направено

Американскиот кошаркар и поранешна ѕвезда во НБА, Шекил О’Нил беше еден од најплатените играчи во своето време, а парите продолжија да му доаѓаат и по богатата кариера заради профитабилните комерцијални договори и соработката со ТВ-компаниите, а негово беше само да ги троши!

Тоа никогаш не му беше проблем, дури и кога тој го потпишуваше првиот договор во кариерата со Орландо, кога неговата кариера штотоку започна.

Речиси во истиот момент кога станал свесен за сумата на пари што ја имал на својата сметка, тој почнал да троши пари. Ќе остане запаметено дека за еден час тој успеа да потроши дури 1 милион долари, најмногу на неговото семејство, и себе се разбира.Тој си купил мерцедес од 150.000 американски долари, на татко му малку поевтина варијанта од 100.000 долари, а мајка му автомобил и куќа.

Откако се погрижил за своите родители, тој решил и себеси да се почести, а веќе се однесувал како дете во продавница за играчки. Тој купил сè што му паднало на памет, скап накит и облека, планина од сето тоа, а сметката што му била издадена тој ден била близу милион долари.

– Вредише, мајка ми беше среќна, доби куќа, доби автомобил за кои никогаш не веруваше дека ќе ги има во нејзиниот живот. Мојот татко доби Мерцедес, како и јас “, се сеќава Шекил на тие денови.

Ова, се разбира, беше дури и занемарлива сума за Шек, дури и тогаш тој имаше силен договор, како во годините што следуваа. Биг Шек заработи над 200 милиони долари од кошарката за време на неговата 19-годишна кариера, и се проценува дека заработил уште повеќе по неговата играчка кариера.