Како изгледа кога во животот на Кајли Џенер постои само еден проблем – и се вика Кајли!

5 јуни, 2020
fotorcreated_yiAI3jn

Поп – пејачката, Кајли Миног (52), се засити од сцената и рефлекторите, а пред десетина години основаше и свој бренд. На нејзината страна, како што се вели, може да се пронајде буквално сè – од игла до локомотива, а цените на производите се навистина пристапни. Со текот на годините, нејзината сметка стануваше се “подебела”, а денес на неа се наоѓаат околу 60 милиони долари. Може да се каже дека многу повеќе заработила од брендот отколку од пеењето.

Но, не може баш сè да биде под конец! Пред три години, ријалити ѕвездата Кајли Џенер (23) поднесе барање за заштита на своето име како бренд. Правните застапници на Миног веднаш реагирале и испратиле писмо до Канцеларијата за патентирање и заштита на трговски марки во САД, тврдејќи дека членката на ријалити кланот Кардашијан – Џенер, не може да го заштити своето име, бидејќи Кајли Миног е меѓународно призната пејачка, хуманистка и активистка за борба против рак на дојка, позната во целиот свет како Kylie (Кајли), додека Џенер е споредна ријалити ѕвезда и ТВ личност.