Дали и вие сте воодушевени од Tiger King? Тогаш сигурно ќе ве развесели веста дека пристигнува уште една епизода!

Изгледа дека Netflix следната недела може да објави уште една епизода од документарецот „Tiger King“  што ги воодушеви гледачите ширум светот. Во новата епизода треба да се појави Џеф Лоу, кој веќе глуми во серијалот, но исто така ја наследи и грижата за големите мачки, а веста ја сподели на својот профил на Твитер.

Сите што сме обожаватели, се чини дека Netflix може да нè почести сите нас со вистинско уживање – уште една епизода што треба да се емитува наскоро.

Поточно, Џеф Лоу, необичен човек што ја презеде сопственоста на паркот со животни кои му припаѓаше на Џои Егзотик, го развесели светот со неговиот твит дека следната недела ќе следи нова епизода. „Netflix додаде уште една епизода, ќе се емитува следната недела. “, објави тој.

Ако случајно, уште една епизода не ве прави доволно среќни, знајте дека има гласини за втора сезона. Ребека Чаиклин, член на тимот за снимање, неодамна изјави за EW дека сè уште не се сигурни, но дека дефинитивно има шанса за уште една сезона, бидејќи имаат неверојатни количини на снимени материјали, исто толку живописни и драматични како и досегашните епизоди. Популарноста што ја стекна ширум светот, само дополнително им оди во прилог.