Доделувањето на наградите Еми ќе се одржи онлајн!

31 јули, 20200
emi

Ден откако беа објавени номинациите за наградата Еми, Телевизиската академија ги извести номинираните дека церемонијата на доделување на наградите ќе се одржи на Интернет во септември, поради пандемијата „Ковид-19“.

Ова се очекуваше, со оглед на ограничувањата и забраните, што особено влијаеа на забавната индустрија, пренесува „N1“.

Еми наградите, телевизискиот еквивалент на „Оскарите“, ќе се одржат на 20 септември и тоа ќе биде првото големо холивудско шоу од почетокот на корона кризата.

Џими Кемел ќе го води настанот, а целиот настан ќе го пренесува телевизијата ABC.

Организаторите на настанот најавуваат топла програма, исполнета со хуманост, со која ќе се слави моќта на телевизијата.

Номинираните ќе бидат однапред снимени во нивните домови и на други локации.

Што се однесува до облеката, номинираните ѕвезди сами решаваат што ќе носат, со оглед на околностите.

Серијата „Watchmen“ води оваа година со 26 номинации за телевизиски Еми награди, објавија организаторите.

Leave a Reply

Your email address will not be published. Required fields are marked *