По неколкумесечно чекање и гласини, конечно е објавена песната во која се здружија гласовите на Лејди Гага и девојките од корејската група “BLACKPINK”

29 мај, 2020
gaga

Диско-песната има прекрасна музика која беше популарна во деведесеттите и целосно одговара на темата на албумот „Chromatica“, кој Гага го најавуваше, а кој официјално ќе биде објавен утре.

Според странските медиуми, оваа песна, наводно, ќе биде третиот сингл од новиот албум на Гага. Минатиот петок беше објавена песната „Rain On Me“, на која настапи и Аријана Гранде.

Ова е прв поп-албум на Гага од албумот „ARTPOP“, кој беше објавен во 2013 година, а исто така и нејзиниот прв соло албум  од кантри-рок  албумот “Joanne” кој го издаде во 2017 година.

Од друга страна, „BLACKPINK“ својот прв албум ќе го објават дури во септември, додека пред тоа ќе издадат неколку промотивни синглови.