“Не чувствував страв што лекарите се бореа за мојот живот, те гледав само тебе” Гоца Тржан со емотивна порака за ќерката

24 мај, 2020
goca

Ќерката на пејачката Гоца Тржан, Лена, го прославила својот 13 роденден, а мајка и со емотивна порака на социјалните мрежи и го честитала роденденот, откривајќи дека при породувањето минала низ вистинска агонија, како и дека лекарите се бореле за нејзиниот живот.

Поп пејачката не можела да ги сокрие емоциите кон својата ќерка единица која ја доби со поранешниот сопруг Иван Маринковиќ, а низ какви маки поминала, споделила со следбениците на Инстаграм.

– Пред 13 години точно во ова време се подготвував да те донесам на свет, беше мирна и не ти се брзаше многу и дури во 20:05 прв пат ти го слушнав гласот и ги видов твоите очи. Заплака само два пати, а потоа те ставија покрај мене и ти само ме гледаше…Не чувствував ниту болка, ниту страв што лекарите се исплашија за мене и почнаа да се борат да ми го спасат животот. Само тебе те гледав со чувство на припадност. Исто така те гледам и денес, со гордост, со љубов, понекогаш со двоумење дека нешто не правам како што треба…И сигурно ќе грешам. Единствено во што сум сигурна е дека засекогаш ќе те сакам, дека ќе бидеш мојата најголема радост и најголема болка, дека секоја твоја прегратка ќе ме прави најсреќна во универзумот. Драга моја Лена, среќен роденден, добредојде во тинејџерскиот свет, биди ни здрава и внимателна, а во исто време и полна со живот и љубов за сите.Знај дека си моја до крај, дека твоето срце чукаше под моето и затоа засекогаш сме поврзани и во радост и во болка. Те сака твојата мајка- напишала Гоца на својот Инстаграм Профил.