Орландо Блум прв пат проговори за бремената девојка Кети Пери

„Ако таа немаше голем стомак, не би знаеле дека е бремена“, изјави Блум за странските медиуми. „Таа е неверојатно силна. Јас сум навистина импресиониран. Таа не се жали, ужива во бременоста. Многу е инспиративно да се гледа некој како неа “.

Пејачката, од друга страна, неодамна за американските медиуми изјави дека е многу емотивна, и дека и недостасува да патува.

„Не сум навикната да бидам на исто место. Ми недостасува да патувам и да ја имам старата фигура, но добро се држам“.

Да потсетиме, Кети ја откри бременоста преку музичко видео во март. Таа ја објави песната „Never Worn White“ заедно со музичко видео, на крајот на кое таа го откри трудничкото стомаче. Тоа ќе биде прво дете на Кети, додека нејзиниот свршеник, актерот Орландо Блум, од неговиот брак со манекенката Миранда Кер, има деветгодишен син Флин.