Почина легендарниот глумец и водител Регис Филбин – “Никогаш повеќе нема да се роди некој како него!”
Саканиот американски актер и долгогодишен телевизиски водител на шоуто „Во живо!“ и „Кој сака да биде милионер?“, Реџис Филбин почина на 88-годишна возраст, точно еден месец пред неговиот 89-от роденден.Филбин, кој немал никаква болест, почина ненадејно, во сон, во петокот, полицијата потврди за „The Post“.
„Длабоко ожалостени ве информираме дека нашиот сакан Регис Филбин почина од природна смрт синоќа, еден месец пред неговиот 89 роденден“, напиша семејството на Филбин во неделата во ексклузивна изјава за „People“ .Актерката и презентерка Кели Рипа, која заедно го водеше шоуто ‘Live! with Regis and Kelly’ од 2001 до 2011 година со него, оваа вест многу ја погоди и таа се збогува со него преку Инстаграм, објавувајќи фотографија од него.
“Не можеме да ја опишеме тагата поради смртта на Регис Филбин. Тој беше уникатен и феномен кој носеше радости во нашите домови секој ден во живо повеќе од 23 години. Ние сме многу среќни што го имавме како ментор и тој ќе нè инспирира секој ден да се обидеме да го постигнеме тоа што го постигнал тој. Испраќаме љубов и искажуваме сочувство кон семејството и се надеваме дека ќе најдат утеха во сознанието дека светот што го остави тој стана подобро место”, напишаа неговите колеги Кели Рипа и Рајан Секрест во нивната заедничка објава на Инстаграм.
Неговото целосно име беше Регис Френсис Ксавиер Филбин и тој беше една од омилените медиумски личности во Америка, актер, презентер и забавувач, познат по водењето на бројни емисии. Тој помина толку време на телевизија и го држи Гинисовиот рекорд како личност со најмногу часови присуство на телевизија.
Нема зборови за да се опише љубовта што ја имам кон мојот драг пријател Реџис. Едноставно го обожавав, и секој ден со него беше подарок. Поминавме 15 години расправајќи се, спровоцирајќи се и смеејќи се на нашите глупости заедно – и ја продолживме таа традиција и пријателство до последниот ден. Се смеам знаејќи дека некаде на небото во овој момент тој прави некој друг да се смее … Никој како него досега не се родил. И никогаш нема да се роди “, рече Ли Гифорд.
Во еден твит, американскиот претседател Трамп изрази сочувство до семејството, нарекувајќи го Филбин „еден од великаните“.
Реџис Филбин е награден неколку пати во својата кариера, освојувајќи ја Daytime Emmy три пати и Emmy за животно дело. Тој беше примен во Телевизиската дворана на славните во 2006 година и доби своја сопствена ѕвезда на Hollywood Walk Of Fame во 2003 година.
Кога го најави своето заминување од шоуто „ Live! with Regis and Kelly“, тој рече:„ Има време кога сè треба да заврши за некои луѓе пред камерата – особено за старите луѓе“.