Поради него, ѝ даде втора шанса на љубовта: Гвинет Палтроу и нејзиниот сопруг ја прославија втората годишнина од бракот на посебен начин

30 септември, 2020
1319180

Познатата холивудска актерка Гвинет Палтроу кон крајот на септември 2018 година го кажа судбоносното „да“ на успешниот продуцент Бред Фалчук. Актерката и продуцентот организираа интимна церемонија во Хемптонс во кругот на најблиските луѓе, а денес тие ја слават втората годишнина од бракот

Оскаровката Гвинет Палтроу и телевизискиот писател, режисер и продуцент Бред Фалчук ​​ја прославија втората годишнина од бракот. Пандемијата на коронавирус го оневозможи парот да го прослави денот во големо друштво и наместо да вечера во луксузен ресторан, актерката и продуцентот претпочитаа да се шетаат во природа и да дишат чист воздух.

Палтроу му ја честиташе годишнината на својот сопруг со заедничката фотографија направена за време на прошетката, која таа ја објави на Инстаграм со краток опис: „Истерана втората година“ и две сини срца.

View this post on Instagram

Year two, through 💙💙

A post shared by Gwyneth Paltrow (@gwynethpaltrow) on

Иако веќе има еден брак зад себе, со музичарот Крис Мартин со кого дели две деца, оскаровката повторно најде среќа со една година постариот продуцент кој го освои нејзиното срце. Во септември 2018 година, двојката заплови во брачните води во целосна тајност во круг од 70 најблиски луѓе.

По церемонијата, што се одржа на отворено, парот се смести во градината на својата куќа во Хамптонс, популарно одморалиште за богати и славни, а актерката ги откри деталите за венчавката пред јавноста два месеци подоцна.

Палтроу за својот голем ден одбра венчаница потпишана од модната куќа „Валентино“, додека младоженецот носеше сив костум на „Том Форд“. Деверуши беа ќерката на актерката- Епл и ќерката на Фалчук, Изабела, додека славниот продуцент покрај себе го имаше неговиот син Броди и синот на Палтроу, Мозес.

По венчавката, парот патувал на краток меден месец во италијанската област Умбрија и во Париз.