Поранешната прва дама сосема искрено: „Верувам дека на 50 години конечно станав жена, таа млада девојка дефинитивно ја нема“

Во пресрет на објавувањето на нејзиниот нов албум, поранешната прва дама на Франција и поранешен супермодел, Карла Бруни, даде интервју за Вог, во кое, покрај музиката, зборуваше и за стареењето.

Денешната 52-годишна Карла Бруни помина низ многу животни промени за да стигне до местото каде што е денес. Започна како модел, а наскоро, заедно со Наоми Кембел, Клаудија Шифер, Синди Крафорд и други претставници на таа генерација, стана еден од супермоделите од 90-тите. Откако се докажа во модниот свет, се сврте кон музиката, го издаде својот прв албум во 2002 година, а потоа, во брак со Никола Саркози, стана прва дама на Франција.

Во најновото интервју, кое го даде за Вог по повод објавувањето на нејзиниот нов албум, таа зборуваше за многу работи, а еден од најинтересните делови е секако оној во кој мајка на две деца зборува за стареењето.

‘Верувам дека на 50 години конечно стануваш жена. Таа млада девојка во вас дефинитивно ја нема, и таа беше таму до нејзиниот 50-ти роденден, но сепак можете да танцувате внатре како тинејџерка. Педесет е кога општеството ќе ти каже дека е готово – сега си возрасен. И таа последна шанса да бидеш млада девојка ја нема ’.