Принцот Чарлс и Камила го “спасуваат” малиот Принц Арчи од неговите родители
Според пишувањата на списанието Woman’s Day, на едногодишниот Арчи, синот на Принцот Хари и Меган Маркл, му е потребна помош. Со оглед на тоа што малиот моментно е со родителите во Лос Анџелес, неговиот дедо, Принцот Чарлс и неговата сопруга Камила решиле тајно да одлетаат во Америка за да го спасат момчето и да го вратат во Британија. Причината за ова е дружење со остатокот од семејството, но и бегство од пандемијата на Коронавирусот.
Принцот и неговата сопруга, наводно, се обидувале некое време да ги убедат принцот Хари и Меган да се вратат во Велика Британија со нивниот син, за да бидат со семејството и да ја избегнат пандемијата.
Се започна откако јавноста се соочи со немирите во САД, како поради пандемијата, така и поради протестите. “Тие се загрижени за нив и мислат дека не се целосно заштитени во нивниот нов дом. Тие имаат обезбедување што не е навикнато да работи за кралско семејство. Во Велика Британија, постојат закони според кои луѓето не смеат да се приближуваат кон кралското семејство, особено до малите деца“ – изјави извор близок на кралското семејство и истакна дека веќе е познато дека Хари и Меган имаат проблеми со папараци и дронови кои ја надлетуваат нивната куќа.