Принцот Хари му зададе нов удар на кралското семејство – расколот во семејството станува сè подлабок!

30 јуни, 2020
1258053

Oткако му го сврте грбот на кралското семејство на почетокот на годината, 35-годишниот принц Хари ги разлади односите со нив, а особено со неговиот 38-годишен брат, принцот Вилијам, врз кого падна товарот со кралските должности на Хари. За „казна“, семејството со „сина крв“ им забранило на Хари и неговата 38-годишна сопруга Меган, да го користат името „Sussex Royal“, но се чини дека Хари се одмаздува за тоа, пишува магазинот Women’s day.


Имено, Хари наводно решил да се ослободи од своето кралско презиме Монтбатен-Виндзор, кое го носат наследниците на 94-годишната кралица Елизабета и нејзиниот сопруг, принцот Филип. Доказ за ова е потегот што тој го направи во март, откако неговите кралски должности официјално престанаа и кога се пресели во Северна Америка со сопругата Меган. Хари тогаш отиде да ја регистрира својата нова хуманитарна фондација „Archewell“ именувана по нивниот едногодишен син Арчи, но не го навел неговото кралско презиме во документите, открива анонимен извор близок на Принцот Хари и Меган Маркл.