Скриена куќа во цвеќиња: Елен Деџенерис го продава овој имот, а ние се прашуваме – зошто?

Куќите на Тудор се градби моделирани според англиската архитектура изградени помеѓу 1600 и 1700 година.

Куќата на познатата телевизиска водителка и актерка оргинално била изградена во Сари, Англија, па затоа била внимателно деконструирана и транспортирана во Калифорнија, и таму повторно била составена на приватно земјиште од околу половина хектар.

Според холивудските стандарди, таа се смета за помала куќа затоа што има само три спални соби, две дневни соби и 2,5 купатила, додека високата жива ограда ја кријат од љубопитните очи. Опкружена е со цвеќиња и разновидни зеленила, кои се видливи од скоро целата куќа благодарение на високите прозорци.

Иако е изработена во антички стил, таа е опремена со сите погодности од модерното време, што е особено видливо во атрактивната кујна. Куќата располага и со голема трпезарија, помала просториј за појадок, приватна библиотека, домашна сала, подрум и гаража во која можат да се паркираат три автомобили.

Водителката на популарното телевизиско шоу „Шоуто на Елен Деџенерес“ го сака дизајнот на ентериер – таа често купува куќи, ги реконструира и потоа ги продава по повисока цена. Познатите сопруги ја купиле куќата за 3,6 милиони долари, а за истата сега бараат 6,9 милиони долари.