Израсна во сиромаштија, а денес е најпознатиот член на контроверзната секта поради која не успеале неговите два брака; сепак, неговото име е гаранција за полни кино сали

28 јули, 2020
Annotation 2020-07-27 205732

Тој е американски актер и продуцент кој ја започна својата кариера во Холивуд како 19-годишник со улога во филмот „Вечна љубов“. Поминаа неверојатни 39 години од тогаш, а Том Круз е сè уште еден од највлијателните холивудски актери кој подеднакво ја интригира јавноста со неговите улоги, приватниот живот и најмногу од сè со тоа што избра да биде воден низ животот од страна на Црквата на скиентологијата. Тој има три бракови и исто толку деца зад него, но не остана пријател со ниту една од неговите поранешни сопруги, ниту со неговата најмала ќерка Сури.

 “Ги почитувам верувањата на другите луѓе и она во што верувам во мојот живот е дека секогаш морам да најдам начин да бидам подобар, без разлика дали треба да бидам подобар човек, подобар татко или само да најдам начин да работам на себе. Секој човек треба да одлучи за себе и да избере точно што е добро за него. Среќен сум за животот што го живеам , патувам низ целиот свет, добивам неверојатно искуство и тоа е нешто што секогаш го барав, без разлика дали е тоа Канада, Франција, Индија или Русија. Не е важна бојата на кожа  на луѓето и во што веруваат, секогаш постои некоја во сличност.“ Ова се зборовите на најпознатиот скиентолог, но исто така и еден од најбараните холивудски актери за кој ниту една мисија не е невозможна.

Се разбира, од овој опис е лесно да се заклучи дека тоа е Том Круз, роден како Томас Матотер Круз IV на 3 јули 1962 година во Сиракуза. Иако тој е исклучително успешен денес и има милиони на своја сметка, неговото воспитување не е ни најмалку нешто што некој би посакал. Тој имал само 12 години кога неговата мајка Мери Ли одлучила да го напушти нивниот татко алкохоличар и со своите четири деца, Том и ќерките Маријан, Ли Ан и Кас да се врати во Америка.

Неговото прва асоцијација на детството била сиромаштијата, во која тој порасна, како и католичката вера, додека за неговиот татко, заради сè што им направил на нив, тој никогаш немал убави зборови. Напротив, тој го нарекува насилник и кукавица што ги тепал своите деца.

‘Татко ми беше личност која едноставно ќе ве претепа ако нешто не оди по планираното. Тоа беше најдобрата лекција за животот – прво ќе ни го даде тоа чувство за безбедност, а потоа – тресок! Знаев дека нешто не е во ред со него , дека не можам да му верувам и дека морам да бидам внимателен со него.

Круз поминал дел од својот живот во Канада, каде неговиот татко Тома Круз Мапутор III добил работа како консултант во канадската армија, па целото семејство се преселило во Отава во 1971 година.

Таму ја открил својата прва љубов – борењето. И кој знае, ако не претрпел повреда на коленото, можеби немало да стане холивудска звезда, туку професионален борач. Без оглед на кој начин некој го толкува, за Круз тоа било пресврт во неговиот живот по што тој решава да направи пресврт во кариерата и не згрешил. За време на школувањето во Канада, тој почнал да оди на драма, а потоа со шест други момчиња бил поканет да учествува во импровизирана претстава што ја извеле на драмски фестивал, каде оставил одличен впечаток.

Tom Cruise

Кога тргнал во шесто одделение, неговата мајка одлучила да се разведе, а во 1978 година се омажила по втор пат со Џек Сут. Таткото на Круз починал од рак во 1984 година. Кратко траел неговиот престој во францисканската семинарија во Синсинати, кога сакал да стане свештеник, затоа што желбата за глумата на крајот преовладала. За само 14 години, тој сменил дури 15 училишта, а кога наполнил 18 години, со благослов на својата мајка и очув, се преселил во Њујорк за да стане актер.

Најпрво, за да заработи за живот, работел како чистач и вратар, а потоа се преселил во Лос Анџелес надевајќи се на улога во телевизиска серија. Тој потпишал договор со CAA и ги добил своите први филмски улоги. Првиот настап го остварил во 1981 година во филмот „Вечна Љубов“, во кој имал мала улога, а набргу потоа добил и улога во „Бунт“. Потоа, добил понуда со одредена екипа да снима за филмот на Копола „Outsiders“ , а потоа во 1986 година добил улогата во култот „Тоp gun“, кој го лансираше меѓу sвездите скоро преку ноќ. После тоа, немаше режисер кој не сакаше да работи со него, а следуваа улогите – „Легенда“, „Боја на парите“, „Коктел“, „Дождовен човек“, а потоа и „Роден на 4 јули“, за што беше награден со Златен глобус за најдобар актер, но исто така ја доби и својата прва номинација за Оскар.

Потоа дојдоа „Денови на громот“ и „Далечни хоризонти“, кои ги сними со својата идна сопруга Никол Кидман, но и „Компанијата“ и „Интервју со вампирот“. Имало инцидент поврзан со „Интервју со вампирот“. Имено, авторката на книгата Ен Рајс го критикувала изборот на Том Круз за улогата, верувајќи дека Џулијан Сандс е подобар избор, но откако го гледала филмот, таа платила скоро 8000 долари за реклама во „Дејли вариети“ славејќи ја неговата глума и се извинила за тоа што некогаш се сомневала во него.

Сепак, јавноста повеќе е заинтересирана за неговиот приватен живот и Скиентологијата. Но, пред да ја погледнеме верата со која тој е опседнат и страда неговата ќерка Сури од бракот со Кети Холмс, да се фокусираме на неговиот љубовен живот.

Освен тоа што тој секогаш бил привлечен од високи убавици, што не е тешко затоа што тој е висок само 170 сантиметри, во раните 80-ти тој бил привлечен и за постари жени. Тој тогаш беше во врска со три години постарата Ребека Де Морнај, девет години постарата Пети Скаилф, која стана сопруга на Брус Спрингстин, но и 16-години постарата Шер. Но, на 9 мај 1987 година, тој одлучи првиот брак да го има со актерката Мими Роџерс. Иако документите за развод беа потпишани уште во февруари 1990 година, тој е благодарен на неа што го запозна со светот на скиентологијата.

Додека го снимаше „Денови на гром“, тој ја запозна и својата втора сопруга, исто така актерката Никол Кидман. Тие беа во брак од 24 декември 1990 година, а за време на нивниот живот заедно посвоија две деца – ќерка Изабела Џејн, родена 1992 година и син Конор Антониј, роден 1995 година.

Тогаш тој изјави: Никол и јас ќе бидеме заедно засекогаш. Таа има сè што некогаш сум барал кај една жена. Заљубени сме како на првиот ден од бракот а поминаа 10 години од тогаш.

Нивната врска се чинеше идилична и тие направија неколку филмови заедно, но филмот „Очите на Кјубрик“ беше катастрофален за нивниот брак. Иако во тоа време Никол Кидман беше бремена, во февруари 2001 година Том Круз поднесе барање за развод. Самата актерка признала шест години подоцна дека е бремена, но и дека имала спонтан абортус. По разводот, нивните посвоени деца, кои Круз веќе ги запознал со светот на скиентологијата, останале да живеат со него, оддалечувајќи се целосно од нивната мајка.

View this post on Instagram

Vanilla Sky Cameron Crowe • 2001 9/10 ___ “O que é a vida, se não a perseguição de um sonho?” 💭 ___ David é um homem rico, bonito, dono da própria empresa… resumidamente, aquele playboy que tem o que quer. Mas tudo desmorona no dia em que ele e uma amante sofrem um acidente de carro propositalmente provocado por ela. Sobrevivendo, porém com o rosto danificado, ele agora vai ver sua vida em outra realidade. Ou será irrealidade? ___ Gosto muito da jornada de desconstrução do protagonista. No início, o filme da uma ênfase em sua personalidade narcisista, quando o mostra acordando e a primeira coisa que faz em seu dia é se admirar em frente ao espelho. Ele também não leva nada nem ninguém a sério, o convívio com outras pessoas não significa nada além de obrigação ou entretenimento. ___ Quando ele conhece Sofia, e pela primeira vez de fato começa a se importar e ter sentimentos verdadeiros por alguém, acreditamos que o amor lhe dará um rumo. E de fato poderia, se ele não se deixasse levar por seu lado imaturo, que ainda estava muito invicto. ___ “Vanilla Sky” não é uma narrativa linear, afim da história não revelar seus enigmas antes do juízo final. É sobre se perdoar e se redimir, em meio ao paradoxo de sonho vs realidade. Bate muito na tecla de que nossas escolhas têm consequências, e que essas muitas vezes são impossíveis de reverter. E como o orgulho e a arrogância são a ruína do ser humano. ___ “A vaidade é, definitivamente, meu pecado predileto!”. – O Advogado do Diabo ___ Disponível: – ___ #vanillasky

A post shared by Ponte 🌉 Cinematográfica (@ponte_cinematografica) on

Следната актерка со која беше е Пенелопе Круз, со која глумеше во „Ванила небо“ во 2001 година, а љубовта траеше точно три години. Наводно, причината за нивното расипување е скриена во тоа што Скиентолозите го замислувале со сосема друга девојка, па Пенелопе воопшто не се вклопил во таа приказна.

И тогаш, во април 2005 година, тој започна врска со Кејти Холмс. Тогаш тие за прв пат се појавија заедно во јавноста во Рим, а медиумите веднаш ги нарекоа Томкат. Кон крајот на месецот, Том Круз исто така јавно призна дека е заљубен во Кејти, а многумина сè уште јасно се сеќаваат на таа исповед на ток-шоуто Опра Винфри, кога актерот започна во воодушевување да скока на каучот. Во октомври истата година, тие ги споделија најдобрите вести со светот – Кејти Холмс беше бремена, а во април 2006 година се роди Сури Круз. Парот се венчал на 18 ноември во замокот Одескалчи во 15 век во Италија според правилата на црквата на скиентологијата, а најпознатите холивудски имиња пристигнале во Брачиано од целиот свет.

До ден-денес не се потврдени шпекулациите на јавноста дека нивниот брак го договориле лидерите на црквата на скиентологијата, но на младата актерка не и се допадна животот како во кафез. Кејти Холмс поднесе барање за развод на 29 јуни 2012 година, финализирана само неколку дена подоцна.

Скиентологијата многу влијаеше врз него и неговиот живот. Навистина, некои сметаат дека холивудскиот актер е зависен од тоа и не може да живее без него, а неговата опсесија оди дотаму што тој, како највлијателниот човек на таа заедница, има стан во седиштето на црквата на скиентологијата во Клирвотер, Флорида. Она што наводно е зошто е особено благодарен на скиентологијата и учењето на Л. Рон Хабард, е тоа што тие му помогнаа да научи да живее и да работи со дислексија, која беше дијагностицирана уште во рана возраст.

Иако тој не е обичен член на заедницата, Том Круз е многу корисен во „регрутирање“ на светски лица и, наводно, се обидел да ги убеди Никола Саркози и Жан-Клод Гаудин да им се придружат во 2005 година. Неговиот пристап бил опишан како воен, а интересно е што заради него, неговите три сестри, со кои е крајно близок, се придружија во заедницата, како и нивните семејства.

Списанието „Форбс“ некогаш го прогласи за највлијателна славна личност во светот, а освен тоа, се зборуваше дека само тој и Леонардо Ди Каприо можеле да ги наполнат кината со најлош филм.