Кои парфеми ги користат славните фаци и во време на домашна изолација :)
И славните дами имаат свои омилени парфеми на кои им се верни со години. Откриваме кои парфеми ги обожаваат Викторија Бекам, Меган Маркл, Кејт Мос, Ријана и многу други ѕвезди.
Изборот на парфем е предизвик за секоја жена. Не е лесно да се избере парфем кој целосно ќе ги исполни сите наши барања. Парфемот е повеќе од само мирис – тоа често зборува за жената и повеќе отколку што мислиме. Парфемот го опишува карактерот на жената, открива дали е повлечена или родена заводничка, без разлика дали е романтична, авантуристичка или е посветена само на себеси.
Честопати, жените откако ќе го најдат парфемот што им одговара со години се верни на истиот. Тој станува дел од нас со текот на годините и е нешто со што другите нѐ препознаваат и паметат. Она што е важно за секоја жена е да мириса уникатно, како ниедна друга жена, и токму затоа многу луѓе присегнуваат кон парфеми кои се поретки и генерално поскапи од останатите парфеми.
Секоја жена има свој омилен парфем што целосно одговара на нејзините потреби, преференции и личност, па истото важи и за познатите дами. Ние ќе ви откриеме кои парфеми ги обожаваат денешните водечки трендсетерки како Викторија Бекам, Меган Маркл, Маргот Роби, Хејли Бибер и многу други.
Викторија Бекам го сака Vilhelm Parfumerie Room Service
Ако се прашувавте што е тајната на Викторија Бекам – жена која отсликува елеганција и префинетост, тоа е парфемот Vilhelm Parfumerie Room Service.
Кејт Мос го сака Serge Lutens Fleurs d’Oranger
„Никогаш не излегувам од дома без да применам парфем“, рече Кејт Мос во една пригода, откривајќи дека нејзините омилени парфеми се Clarins Eau Dynamisante, Serge Lutens Fleurs D’Oranger и Nadia Narain Lua.
Алекс Чунг го сака Le Labo Santal 33
Можеби претходно сте чуле за парфемот Le Labo Santal 33, кој е омилен на многу познати личности, вклучувајќи ја стилската икона Алек Чунг кој го сака само затоа што нема интензивен цветен мирис кој што не може да се издржи. Овој парфем повеќе потсетува на машките парфеми, а славната личност толку го обожава што има и свеќа со ист мирис.
Криси Тејген го сака Dior Hypnotic Poison
Многу познати личности имаат скапи парфеми во својата колекција, но не Криси Тејген, која го наведува својот омилен парфем Dior Hypnotic Poison кој е еден од поевтините парфеми. Мирисот е многу мажествен и секси и е одличен за сите оние жени кои не сакаат премногу слатки и женски парфеми.
Ема Стоун го сака Chanel Gardénia
Актерката Ема Стоун откри за австралискиот Вог како не може да се заштити од парфемот Chanel Gardénia. Холивудската убавица го носи насекаде со неа, а освен на телото, таа редовно го става и на перницата.
Хејли Бибер го сака Bond No. 9 West Side
Познатата манекенка и сопруга на Џастин Бибер, Хејли Бибер, откри за австралисло Elle дека го обожава Bond No. 9 West Side. „Мириса прекрасно. Го сакам затоа што не е премногу женствен, може да го носат и мажи и жени“, кажа Бибер.
Кејт Босворт го сака Byredo Gypsy Water
Скапите парфеми ги сака и актерката Кејт Босворт. Убавата актерка како омилен парфем го наведува Byredo Gypsy Water. „Јас сум верна на овој парфем со години. Мирисите на Биредо се убави, сложени, секси и невини. Имаат неверојатни слоеви на мирис“, кажа русокосата актерка
Маргот Роби го сака Calvin Klein Deep Euphoria
Уште една славна лепотица ги сака парфемите од дрогериите. Филмската ѕвезда на Вол Стрит, Маргот Роби откри дека нејзината љубов кон парфемите е прилично свежа. „Кога бев помлада, не носев премногу парфем. Претпочитав да користам есенцијални масла. Знаев како да ставам малку масло од лаванда во мојата коса. Потоа го открив Calvin Klein’s Deep Euphoria на Келвин Клајн, кој сè уште го обожавам и денес. Има цветна нота на роза, сладок е и женствен и е идеален за секој ден“, кажа Маргот Роби.
Меган Маркли го сака Jo Malone Wild Bluebell
Откако стана војвотка, Меган Маркл не ги открива нејзините ритуали за убавина и генерално го крие приватниот живот од јавноста, но во едно старо интервју за Експрес, Меган откри дека никогаш не го напушта својот дом без парфем. „Ако случајно заборавам да го земам со мене, се враќам дома по него. Користам неколку парфеми – ги обожавам Oribe Côte d’Azur te Wild Bluebell и Wood Sage & Sea Salt Colognes потпишани од Џо Малоун“, открила војвотката во тоа време.
Ријана го сака Kilian Love, Don’t Be Shy
Гласините велат дека Ријана е една од sвездите што мириса најдобро. Која е нејзината тајна? Пријател на Ријана откри во една прилика дека славната пејачка е обожавателка на Love, Don’t Be Shy со потпис од брендот Kilian.
