Кристијан Голубовиќ: Се надевам дека ќе заработам милион евра, тоа ми е шанса да земам легални пари

29 август, 2020
kristijan sou

Голубовиќ откри сè за учеството во реалното шоу, но и понатамошните планови

На почетокот на септември Кристијан Голубовиќ ќе влезе во реалното шоу „Задруга 4“, а од самиот почеток, поради неговото бурно минато, од него се очекува многу.

Како што и самиот рече, овој пат планира да се покаже во поинакво светло и да ги научи своите цимери на нешто корисно, бидејќи, како што вели, има да понуди многу паметни работи.

Иако шоуто сè уште не ја започна, се крева голема прашина околу неговиот конфликт со Станија, кој датира од пред неколку години, по учеството во „Фарма 6 “

– Може да биде нормален разговор или аргумент, а потоа игнор. Не сакам да се расправам со неа воопшто без сериозен полиграф. Многу значи да се оди на полиграф, да ги постават истите прашања и на мене и на неа и да се види кој лаже и кој ја кажува вистината – вели Кристијан.

Тој тврди дека никој нема да може толку сериозно да го изнервира што би се случил некаков физички контакт, затоа што тој не сака да го изгуби хонорарот, за кој коментираше.

– Па, се надевам дека ќе излезам од оваа приказна со половина милион или милион евра, бидејќи тоа е моја животна шанса за прв пат да земам легални пари на тој начин – откри Кристијан, како и дека е сигурен во својата победа.

– Јас дури и не би влегол во оваа приказна за да се натпреварувам. Мислам дека оние што губат во животот го измислија она „важно е да се учествува, а не да се победи“. Не размислувам за конкуренцијата, бидејќи сметам дека нема такво лице да има ваков спектар на таленти, да му даде на шоу-бизнисот она што можам јас – вели тој.