Лила нема намера да ги крие годините, а ниту полната соба торти и подароци кои ги доби за роденденот, но еден ептен ја погоди (видео)
Постојат толку многу жени кои стареат достоинствено, што за момент ќе помислите дека времето врз низ фрлило некаква магија, а токму една од нив е нашата позната ТВ водителка Лила Филиповска.
Лила вчера наполни 49 години и дојде на прагот на шестата деценија од животот. Но таа вели, ако би требало да избира помеѓу младост и мудрост, би го избрала второто и не би се вратила ниту една година наназад. Среќна пред се за своето здравје и се она што го искусила, односно и го дал животот.
-Отворам очи сабајлево … и бум … 49 години. Па добро си викам .. не се 100, летаат годиниве, летаат ко минути и така драги луѓе среќна што сум здрава и жива сфаќам колку си ги сакам годините со сѐ што поминало низ нив. Какви и да се мој си се и не би се вратила ни година наназад. Секоја доба своја убавина и ако бирам меѓу младост и мудрост го бирам второво. Ама што има тука да се бира …. тоа е животот. Ќе уживам и ќе се смеам се дур имам заби и еве вака ќе се качувам по маси да се сликам дур имам вакви нозе. Краток е животот драги мои затоа да го уживаме максимално, и во лошото да наоѓаме добро, да си го гледаме својот двор, да шириме позитива и љубов , да си помагаме да се сакаме, а сега е најбитно да останеме здрави, живи и безбедни. И фала Ви на безбројните убави пораки кои ми пристигнуваат на постовите и во пораки ако не стигнам да Ви вратам еве овде ќе го направам тоа и бескрајно БЛАГОДАРАМ за поддршката која толку години ме држи тука околу вас и заедно со Вас… Ве сака Ваша Лила, пишува славната ТВ водителка на својот исто толку популарен Инстаграм профил.
По роденденскиот ручек на кој ги собра најблиските и пријателите за што претходно пишувавме, Лила го наполни својот дом со разни подароци, оние што ги доби непосредно, но и такви што подоцна и доаѓаа на домашна адреса.
Торти, колачи,многу букети со цвеќиња, парфеми, козметика… Но, еден подарок особено и се допадна, а тоа беше аксесоар круна во златна нијанса од нејзината пријателка и соработничка Елена Пандева.
Секако, не ќе беше се’ комплето ако Лила не испозираше со круната на главата и со убавите нозе качена на маса, во знак на тие 49 со кои одлично се носи.