Трикот поради кој се повеќе аеродроми имаат теписон
Инвестицијата на аеродромите со поставување на теписони брзо им се враќа бидејќи патниците кои се осеќаат поопуштено повеќе и трошат.
Откако брзајќи ќе ги поминете сите аеродромски контроли и препреки и ќе стигнете пред гејтот каде ве очекува кратка починка пред да полетате ќе наидете на мека подлога под тркалцата на вашиот куфер и под вашите нозе.
Тоа што се повеќе аеродроми имаат теписони не е без причина. Иако претходниот тврд под е попрактичен и полесен за одржување за разлика од новиот и мек, психолозите не се сложуваат. Според нив теписонот на аеродромите прави да се осеќаме покомотно и поопуштено.
Ако патниците се осеќаат опуштено тогаш тие полесно и ќе се одлучат да купат нешто од аеродромите. Според истражувањата 7 % од задоволни и опуштените патници почесто го посетуваат free shop-от и останатите продавници.
Освен теписонот она што исто така ги опушта патниците се и ниските тавани. Улогата на просториите за јога или сауните на аеродромите исто така е за да се овозможи целосно опуштање и задоволство на патниците кои имаат големи паузи меѓу летовите.