4 најефикасни диети: Без опасност по здравјето и килограми кои нема да се вратат

10 мај, 2020
dieta

Во морето на различни диети кои имаат за цел губење на килограми, издвоивме неколку од најпопуларните кои даваат одлични резултати и што е најважно – тие не се опасни по здравјето.

Ако сакате да изгубите тежина без познатиот јо-јо ефект, заборавете на инстант диети и гладување. Нутриционистите сметаат дека најздраво е да се изгубат 0,5 до 1 кг неделно. Диетите не треба да бидат штетни по здравјето, важно е да следите неколку основни совети. Заменете ја висококалоричната храна со нискокалорична и јадете многу овошје, зеленчук, нерафинирани јаглени хидрати и заменете ги лошите масти со добрите. Покрај тоа, физичката активност е важна, и во овие услови на изолација, тоа може да биде кратка прошетка, лесно трчање или брзо одење во место.

Диета 16: 8

Режимот на диетата 16: 8 се креиран околу правилото да се пости 16 часа секој ден, додека  за останатите осум часа може да се распоредат помали оброци. Распоредот го правите сами, во зависност од тоа кога ќе започнете да јадете. Ако појадувате околу 9 часот наутро, последниот оброк ќе го имате во 17 часот, додека доцниот утрински оброк, околу 12 часот, значи дека вечерата ќе биде во 20 часот. Кога сте на овој режим, препорачливо е да пиете незасладен чај или вода. За време на осумчасовниот период, кога е дозволена храна, се советуваат лесни и здрави оброци, со повремено уживање во омилените слатки.

Диета со 1200 калории

Целта на оваа диета е да се консумираат 1200 калории на ден. Со консумирање на помалку калории, нашето тело прибегнува кон согорување на маснотиите, што резултира во губење на тежината. Оваа диета е најпогодна за луѓе кои живеат неактивен начин на живот и можеби нема да им требаат препорачани 2000 калории на ден. Исхраната вклучува 3 оброци на ден со 2 задолжителни закуски, така што нема гладување и откажување. Заедно со диетата, неопходно е да се зголеми внесот на течности, затоа пијте 1,5 -2 литри вода. Внесувањето на зеленчук и салати не е ограничено, но се препорачува да земете една шоља зеленчук како гарнир, а тоа е околу 200 грама и колку што е можно повеќе салата со него. Истото важи и за овошје, едно јаболко, банана, портокал или круша, 2-3 парчиња помало овошје или една чаша бобинки.

Голо диета

Оваа диета се заснова на претпоставката дека  ниско гликемската исхрана, која ги намалува наглите шокови на шеќерот во крвта, може да биде корисна за губење на тежината, согорување на маснотиите и побрз метаболизам. Всушност, ова е програма за слабеење која ќе ви помогне да изгубите тежина преку управување со инсулин. Се јаде помеѓу 1300 и 1800 калории на ден преку три избалансирани оброци. Оние кои изгубиле тежина на овој начин биле насочени на вежбање во времетраење од 15 минути на ден. Сè што е поврзано со оваа диета, се учи преку веб-страницата на програмата, која е многу популарна последниве години низ целиот свет заради нејзината ефикасност и индивидуалниот пристап кон секој корисник на диетата. Познато е дека оваа диета мора да се надополни со хром, цинк и магнезиум.

Даш диета

Овој вид на исхрана е осмислена од експерти како средство за борба против високиот крвен притисок. Лекарите ја препорачуваат на секој кој има хипертензија или проблем со висок крвен притисок затоа што го намалува ризикот од развој на други кардиоваскуларни заболувања. Исхраната DASH се заснова на внес на овошје, зеленчук, интегрални житарки, посно месо, а најважните карактеристики на оваа диета се намалениот внес на сол, шеќер, маснотии и црвено месо. Поради сето тоа, експертите ја оценуваат како вид диета што е погодна за оние кои немаат проблеми со притисок, но сакаат да ослабат на здрав начин и што е најважно, без јо-јо ефект. Препорачливо е да се заменат одредени намирници со поздрави опции, а особено е важно да се јаде овошје и зеленчук секој ден. Исхраната вклучува дневно доволно протеини, како и здрави јаглени хидрати, а со три главни оброци и две закуски, сигурно нема да се чувствувате гладни.

Основни упатства за придржување кон овој вид диета:

  • ограничете го вашиот дневен внес на сол на 2300 мг (1 лажичка)
  • јадете повеќе зеленчук и овошје
  • јадете житарки од цели зрна
  • изберете извори на протеини со малку маснотии, како што се риба, бело месо, мешунки
  • избегнувајте индустриски преработена храна
  • препорача физичка активност од 30минути на ден, барем лесна прошетка.