Чистење на лицето со помош на пареа: Добрите страни на овој третман кој можете да го направите и дома!
Летото во никој случај не е идеално време за кожата, најмногу заради мрсните и тешки креми со заштитен фактор, топлиот воздух кој честопати е полн со смог и други загадувачи чии ситни честички ја надминуваат нејзината бариера.
Поради сето ова, грижата за кожата е поважна од кога и да било во овој период од годината, а еден од најдобрите методи за нега е испарувањето на кожата. Пареата од врелата вода ја чисти кожата, ја смирува и го намалува постојното оштетување на кожата, а бонус е тоа што е бесплатен третман што повеќето жени го прават сами дома.
Ги чисти акумулираните нечистотии од порите на кожата
Топлината на водена пареа ги релаксира порите, предизвикувајќи ги да се прошират, а од раширените пори побрзо излегуваат акумулираните нечистотии од шминката, кремите и маслата што ги нанесуваме, како и вишокот на себум. Себумот ни е потребен во мали количини, но кога ги затнува порите, предизвикува појава на акни, мозолчиња и други неправилности.
Ја чисти кожата од бактерии и мртви клетки кои предизвикуваат акни
Кожата е нашиот најголем орган, па како и другите органи, постојано минува низ процес на регенерација. Како резултат на тоа, нејзините мртви клетки и бактерии се акумулираат на површината, што – иако тие немаат штетно дејство – можат да го спречат влегувањето на кислородот во подлабоките делови на епидермисот.
Подобро ќе се хидратизира
Ослободување на кожата од вишокот масла и себум го охрабрува организмот да произведува само повеќе природни масла. Тие се неопходни за да ја навлажнуваат кожата и да го зголемат нивото на хидратација. Покрај тоа, пареата ја зголемуваат пропустливоста на кожата, што овозможува влагата да помине низ неа.
Подобро ќе ги апсорбира производите за нега
Парењето само по себе не е чудесно, но е важен дел од целокупниот режим за нега на кожата. Најдоброто нешто во врска со пареата е што поради зголемената циркулација и оксигенацијата, кожата ќе може да апсорбира повеќе од добрите креми, лосиони и средства за чистење кои ги нанесуваме на лицето после третманот со пареата.