Дали ги демнете поранешните партнери на социјалните мрежи? Еве што велат психолозите!

14 мај, 2020
шпион

Моментот кога ќе одлучиме да престанеме да следиме некого на социјалните мрежи по раскинот на врската може да биде болен, но експертите тврдат дека тоа е неопходен потег.

Освен предностите кои ги имаме од Интернетот, честопати знаеме да го користиме и за шпионирање на поранешните партнери.

Поголемиот дел од “шпионите” се свесни дека тоа не е добро и не треба да го прават. Сепак, опсесивната желба за шпионирање е посилна од разумот, а таа подоцна преоѓа во зависност за која многу луѓе бараат психолошка помош.

Зошто не привлекува да следиме некој со кого сме раскинале?

Следењето на социјалните мрежи е чест проблем. Повеќе од 60% од возрасните корисници на Интернет ги следат своите поранешни партнери.

Шпионирањето на поранешните партнери на почетокот се чини дека е безопасно и дека во секој момент можете да престанете да го правите тоа. Но колку подолко го правите тоа, толку е потешко да се откажете подоцна.

Најлоша работа е што демнењето ве прави уште поосамени и поисцрпени. Енергијата се троши на нешто што не е реално, а не се троши на нешто што е корисно.

Како завршува сето ова? Во најдобар случај со лечење на психолог, а во многу случаи и со психијатриска помош и антидепресиви.

Единствениот начин сами да се излечите е да си забраните да го правите тоа и да правите нешто корисно. И доколку можете, избришете ги вашите профили. Потребна е голема сила и волја за тоа, бидејќи навистина се работи за зависност. Лицето ќе има желба за креирање на нов профил и повторно демнење. Доколку не можете да си помогнете, побарајте лекарска помош. Но, најдобро е сами да се обидете да си помогнете. Тоа е првиот чекор кон новиот живот во кој нема место за шпионирање.