Дали неговата мајка е неговиот најдобар пријател? Еве што вели односот со неговата мајка за вашата врска!

18 јуни, 2020
beautiful-couple-spend-time-autumn-park_1157-21382

Како што е случајот со „погледни ја мајката – избери ја ќерката“, така е и со спротивниот пол. Само малку поинаку.

Тука би било најдобро да се концентрирате и да внимавате каква врска има вашиот маж со својата мајка.

Зошто? Затоа што тоа ќе ви покаже кој е тој навистина и каков однос ќе има со вас.

Ја избегнува мајка му

Дали сте забележале дека тој ја избегнува својата мајка, не затоа што ја заборава, туку затоа што да се биде близу до неа, му предизвикува непријатност и напнатост? Ако се изнервира со неа и не може да ѝ каже отворено, тој е човек кој сака да ги задоволи другите, но не е воопшто самоуверен. Тој се плаши искрено да признае како се чувствува, па така ќе одлучи да премолчи за да не ја налути или растажи.

Неговата мајка му одредува како да живее

Не може да каже или направи нешто без благослов на неговата мајка, дури и ако има 40 години? Па како да ти кажеме… Бегај! Да, тоа е човек кој ќе ве разгали, кој верува дека жените се важни и ги цени. Сите позитивни поени, Секако. Сепак, проблемот се јавува затоа што во неговиот живот може да има само една кралица. И тоа, драги мои, не сте вие. Тоа е неговата мајка. Ова значи дека со секоја голема одлука, тој ќе ги исполни нејзините желби, а не да го бара она што го сакате вие двајца како пар.

Ја мрази својата мајка

Овој тип на маж го носи товарот на светот на неговиот грб. Чудо е што воопшто може да помине низ вратата. Тој е успешен бизнисмен, но каснува како отровна змија. Внимавај! Тој има тежок и комплициран однос со својата мајка уште од првиот ден. Или, таа е убава жена со голем број проблеми, или во еден момент таа го разочарала толку длабоко што не може да го надмине тоа. Тој продолжува да ја навредува по секоја цена, што значи дека ќе морате да ги “трпите” неговите негативни емоции во ваква врска.

Неговата мајка е неговиот најдобар пријател

Ако е пријател со неговата мајка и, повторно, може да ѝ  каже без страв дека таа го изнервирала, вашиот маж е самоуверен тип. Тој не ги сфаќа жените како закана затоа што тие не го плашат, туку го стимулираат. Тој ужива во романтична врска и ја сака возбудата од несогласувања, па ако сте малку пасивни или не сте сигурни, ова не е мажот за вас. Неговата мајка веројатно знае повеќе за романтичните врски на нејзиниот син отколку што би сакала неговата партнерка, но ако мајката не ја сака новата партнерка, тој ќе биде првиот што ќе ѝ каже да замолчи и да се помири со неговиот избор. Тој има многу другарки и не е склон кон брзо “врзување”, а тоа може да предизвика љубомора. Но, кога конечно се обврзува, тој ја сфаќа својата врска многу сериозно.