Дали пиете премногу вода? Да, и тоа е можно!

Сите знаеме кои се симптомите од недоволно внесување на течности, па затоа знаеме колку е важно секој ден да пиеме доволно вода за да останеме хидрирани. Но, дали знаете кога сте испиле премногу вода?

Интоксикацијата со вода е феномен што навистина постои. Ако не сте внимателни, премногу вода може да доведе до некои многу непријатни симптоми како што се конфузија, дезориентација, главоболка, гадење и повраќање. Долгорочните последици можат да вклучуваат слабост на мускулите, напади, па дури и кома, а во екстремни случаи може да доведе до смрт! Овие симптоми секако се ретки, а за да дојдете до тоа ниво навистина треба да пиете многу вода – литри и литри вода за многу краток временски период.

Проблемот е во солта

Хипонатремија е состојба во која нивото на натриум паѓа во крвта. Кога додаваме премногу вода во мешавина, таа се разредува, а истото се случува и со нашата крв кога пиеме премногу вода – крвта се разредува и ги губи своите природни соли. Ако нивото на натриум падне премногу ниско, водата влегува во крвните клетки, што може да доведе до сите горенаведени проблеми.

Која е вистинската количина за вода?

Идеалната количина на вода за вас зависи од многу фактори, вклучувајќи ја вашата висина, тежина, нивото на дневна активност, исхрана… Треба да го знаете вашето тело и да ги задоволите неговите потреби. Едно од правилата е да пиете вода кога сте жедни – вашето тело ви кажува кога ви треба вода и овој механизам треба да осигура дека сте секогаш хидрирани.