Домашна маска за коса на Карди Би- косата расте брзо, а тајната е во овие состојки (ВИДЕО)
Американската раперка Карди Би (27) им открила на своите следбеници на Инстаграм рецепт за природна маска за брз раст на косата.
Таа во видеото детално споделила совети и ја опишала постапката, објаснила што треба да направите за да ви биде косата поздрава.
- Најпрво расчешлајте ја косата додека е мокра откако ќе ја измиете од регенераторот и расплеткајте ја.
- Врвовите на косата се најосетливи додека е косата влажна и затоа немојте по миењето да ја триете косата со пешкир.
Состојки:
- зрело авокадо
- 2 јајца
- лажичка мајонез
- лажичка рицинусово масло
Подготовка:
- Ставете ги состојките во блендер и добро измиксирајте ги.
Карди Би вели да ја нанесете маската по должина на целата коса и да ја оставите да отстои што е можно подолго. Замотајте ја главата со марама или шал бидејќи така ќе спречите допирање на косата и протекување на маската.
Потоа измијте ја косата нормално, како што вообичаено ја миете со вода и шампон. Таа вели дека вообичаено користи оризова вода по миењето бидејќи е богата со минерали и аминокиселини кои ги зацврстуваат краевите на косата.
Авокадото содржи природни масла и антиоксиданси кои и даваат сјај на косата.
Жолчките содржат аминокиселини кои ги негуваат врвовите на косата и ги штитат влакната од загадување и штетно влијание од УВ зраци, додека рицинусовото масло го поттикнува растот на косата.