Дување балон: Домашна вежба за зајакнување на белите дробови по прележан Корона вирус

Од ден на ден дознаваме какви последици има вирусот корона врз човечкото тело – затоа што секогаш има „нешто друго“. Бидејќи ковид 19 е инфекција што го напаѓа респираторниот систем, белите дробови се најтешко погодени и доколку издржат напад на вирус, тие остануваат најоштетен орган.

Пулмолозите имаат многу совети за тоа како да ги вратите белите дробови да функционираат како пред болеста, а оваа едноставна вежба со балони, која лекарите ширум светот ја препорачуваат како терапија за време на закрепнувањето, може да ви го олесни периодот на закрепнување и да го подобри вашето здравје.

Вежбајте ја еластичноста на белите дробови

Превенцијата е подобра од лекувањето, особено кога нема лек, како што е случајот со инфекција со ковид 19! Затоа градењето на отпорноста на дишните патишта и нашиот имунолошки систем не става во подобра позиција да се бориме против нешто непознато, доколку тоа се случи. Луѓето со послаб или оштетен респираторен систем или слаб имунолошки систем секогаш се подложни на кој било вирус.

Надувајте 5 балони

Пробајте го ова. Земете балон, обичен балон за роденденски прослави и со двете раце ставете го горниот дел од балонот на усните. Започнете да го дувате балонот обидувајќи се да го „донесете“ воздухот директно од дното на белите дробови. Притоа, обидете се да не ги надувате образите. Исто така, не отстранувајте го балонот од усните помеѓу вдишувањата, туку дишете само преку нос. Кога надувате едниот одете на другиот балон. И така се додека не надувате 5 балони. Без пауза. Вежбајте го ова секој ден и, како што велат лекарите, ќе ги зајакнете белите дробови. Ако мислите дека е лесно, пробајте и уверете се. И, можете да вежбате како семејство, па дури и да го претворите од вежба во натпревар. Само, бидете внимателни затоа што може да се изгубите ако сте во навистина лоша форма.

Замена за спирометар:

1. Опуштете ги мускулите на вратот и рамената

2. Вдишете 2 секунди низ носот, држејќи го воздухот, како да мирисате роза

3. Издишете 4 секунди преку стегнати усни, како да дувате свеќи за роденден. Ако ова е премногу долго за вас, едноставно издишувајте двапати онолку колку што вдишувате.

4. Повторувајте ја постапката 2 минути