Џенифер Лоренс изгледа прекрасно во новата кампања за Dior

Познатата париска модна куќа Dior започна кампања за новата pre-fall колекција 2020 година, а славната актерка и амбасадорка на нејзиниот омилен француски бренд Џенифер Лоренс се појавува како главно лице на визуелната серија.

Најновата Dior кампања е потпишана од Брижит Нидерер, а фотографиите со преубавата Џенифер Лоренс одекнуваат елеганција и префинетост што многу потсетува на стилот и убавината на друга доба, особено во 1940-тите „New Look“ добата која го прослави естетскиот израз и вештина на Christian Dior.

Креативната директорка Марија Грација Кијури е одлично инспирирана од наследството на славниот дизајнер, па таа инспирација ја пренесе во најновата колекција на парискиот бренд, се разбира, додавајќи и модерен допир прилагоден на денешното време.