Фенг Шуи ви нуди 5 начини преку кои можете да привлечете нова љубов и подобра сексуална енергија во вашиот живот

Додадете “топли” бои

Црвена, розова или праска боја – се боите што треба да доминираат во вашиот простор. Нежните нијанси, како розовата, ќе привлечат нежен партнер, додека потемните како портокалово-црвена и бордо-црвената се резервирани за оној кој ќе ја открие вашата страствена страна.

Изберете помали кревети и тргнете ги подалеку од ѕидот

Фенг Шуи вели дека спиењето на голем кревет нема да ја засили интимноста. Ако сакате да ја привлечете љубовта на вашиот живот, инвестирајте во помал кревет или додајте перници за да го намалите слободниот простор во креветот. Ако сакате страсно искуство во кревет, вашиот кревет мора да биде чист и мек, но и да е далеку од ѕидот, така што ќе има доволно простор да се помине околу него од сите страни.

Црвен молив, сребрена кутија, 49 дена

Овој ритуал на Фенг Шуи е совршен за оние кои сакаат да повикаат сексуален партнер во нивниот живот. Треба да ги напишете на хартија со црвен молив сите квалитети што сакате да ги има вашиот љубовник. Чувајте ја хартијата во сребрена кутија веднаш до креветот 49 дена.

Слонови

Во фенг шуи, слоновите се патот до желбите на вашето срце. Инвестирајте во неколку слатки статуи или фигури од слонови.

Оставете простор за друго лице

Самците го организираат просторот за живеење размислувајќи само за нивните потреби. Ова е особено точно за плакарите. Фенг Шуи вели дека треба да го почитувате просторот и да оставите дел за да може новата личност да го пополни.