GI диетата е одлична за оние кои лудуваат по шеќер! Правила за оддржување на оваа диета!

16 ноември, 2020
230035_secer_iff

Со GI диетата, нема потреба да сметате колку калории сте внеле, важно е вашата исхрана да се состои од правилни видови овошје, зеленчук и цели зрна или храна со низок гликемиски индекс.

Ако имате проблем со вишок килограми, што особено се рефлектира во стомакот, не можете без слатки, а кога ќе прескокнете оброк, се тресете како стап, тогаш GI диетата (гликемиски индекс) е одличен избор и за вашата тежина и за вашето здравје. Во овој план на исхрана, нема потреба да броите колку калории сте внеле, важно е вашата исхрана (кога станува збор за јаглехидрати) да се состои од правилни видови овошје, зеленчук и цели зрна, или храна со низок GI.

Што е GI?

Гликемискиот индекс е мерка што укажува на брзината и интензитетот на порастот на нивото на шеќер во крвта (гликоза) по земање одредена храна.

За да се ослободите од вишокот килограми, треба да јадете повеќе храна што има помал гликемиски индекс. Храната што има мала вредност на гликемиски индекс предизвикува мал пораст на гликозата во крвта, а храната што има висок GI предизвикува брз и голем пораст на глукозата, а потоа и нагло опаѓање на истата. Бидејќи шеќерот најчесто се наоѓа во јаглехидратите, суштината на исхраната е да ги замени едноставните јаглехидрати со сложените.

GI за прв пат беше воведен од канадскиот професор д-р Дејвид Џенкинс во раните 80-ти години на минатиот век и ги рангираше стапките со кои различна храна го зголемува нивото на шеќер во крвта во споредба со апсорпцијата на 50 грама чиста гликоза, која се користи како референтна храна и има GI вредност 100.

Гликемиските вредности се поделени во три категории:

* Низок GI: 55 или помалку

* Среден GI: 56-69

* Висок GI: 70 или повеќе

Важно е да се напомене дека храната се карактеризира со GI вредност само ако содржи јаглехидрати. Затоа, храната што не содржи јаглени хидрати, како говедско, пилешко, риба, јајца, ореви, масти и масла, билки и зачини – дури нема да биде на списокот на GI диетата и може да биде вклучена во исхраната.

За и против

Многу луѓе всушност ја сметаат оваа диета како начин на живот што треба да трае цел живот, бидејќи е дозволено да се јаде целата храна – освен оние јаглени хидрати со висок гликемиски индекс, кои многу често се нездрав избор.

Првенствено дизајниран за луѓе со дијабетес, ќе ви помогне да изгубите тежина, да го забрзате метаболизмот и да го нормализирате варењето на храната, а поради големата количина зеленчук и овошје, ќе се ослободите од зависноста од слатки и колачи. Истражувањата покажуваат дека го зајакнува имунитетот, спречува срцеви заболувања, дебелина и дијабетес…

Сепак, има некои недостатоци. Прво, гликемискиот индекс не дава целосна нутритивна слика. Исто така е важно да се разгледа содржината на маснотии, протеини и влакна во храната, без оглед на GI.

Друг недостаток е што GI го мери влијанието на индивидуална храна врз нивото на шеќер во крвта, додека повеќето јадења се консумираат како дел од поголем комбиниран оброк, што го прави гликемискиот индекс помалку предвидлив.

Се разбира, ние исто така треба да се осигураме дека GI не ја зема предвид количината на јаглехидрати што ги јадеме – што е исто така многу важен фактор за одредување на влијанието на јаглехидратите врз нивото на шеќер во крвта.