Диета со колачиња?!? Ем слабеење, ем вкусни колачиња???

Постојат две основни причини заради кои луѓето ја прекршуваат својата диета – тоа се гладта и потребата за нешто благо. А што ако ви кажеме дека постои начин да останете сити и да си јадете колачиња, а во исто време и да слабеете???

Во секој случај, не станува збор за многу калорични чоколадни колачиња, туку за колачиња кои треба да ги заменат вашите оброци. Тие се базирани на влакна и протеини, како и други состојки кои ќе ве одржат сити.

Најпознатата верзија на оваа диета е Холивудската диета со колачиња, која постои уште од 1975 година и ја испробале многу хоивудски ѕвезди.

Во оваа диета нема рестрикции што смеете да јадете, освен за вечера. За вечера смеете да конзумирате немрсно месо, салата или зеленчук. Според оваа диета, смеете да внесувате од 800-1500 калории дневно.

За колачиња, кои смеете да ги конзумирате за време на ужинка или евентуално за појадок, мора да изберете некои интегрални видови на колачи кои ќе ги најдете во одделот за здрава исхрана во супермаркетите. Иако немаат многу калории, тие ќе ве одржат сити и ќе ви ја задоволат потребата за благо. За време на диетата забрането е конзумирање на секаков друг вид на слатки!

Со оваа диета во просек се губат околу 4 килограми месечно, но без штетни последици по вашето тело.