Оваа врста на сол во Македонија е до 10 пати поскапа од обичната сол за готвење: Дали е поздрава?

22 септември, 2020
насловна

100 грама хималајска розова сол може да чини 10 пати повеќе од обичнита- Зошто?

Розовата сол на Хималаите е направена од кристали кои обично се експлоатираат од областа на Пакистан, поточно од Хималаите.

Својата карактеристична розова нијанса ја должи на минерали и метали во трагови, како што се магнезиум, калиум и калциум, па во последниве години го најде своето место и во нашата кујна.

Се користи во исхраната бидејќи се шпекулира дека е поздрава од вообичаеното токму поради овие минерали што ги содржи во трагите, со што се зголемува хидратацијата на организмот, се балансираат електролитите и pH, се намалува крвниот притисок и се зајакнуваат коските.

Иако многу научници силно ги оспоруваат сите горенаведени, факт е дека 100 грама од оваа сол може да чини и 10 пати повеќе од обичната сол.

Зошто е толку скапа?

Една од главните причини за разликата во цената на обичната и хималајската сол е поврзана со физичките и хемиските елементи, што се наоѓаат во неа. Особено, солта за готвење е посиромашна во природните минерали како што е магнезиумот поради силната преработка.

Од друга страна, минералната сол може да има различен состав, но секогаш има побогата природа на природни елементи, па специјално за хималајската сол, се наведува дека изворот е 84 различни метали.

Но, дали тоа значи дека таа е навистина поздрава?

Според различни медицински студии кои ја испитале, розовата сол на Хималаите има помала содржина на натриум, што ја прави поздрава и неопходна за оние кои следат диета и го контролираат внесувањето на натриум од здравствени причини.

Затоа, на пазарот на здрава храна, тоа е доволна причина што ја оправдува повисоката цена на овој производ.

Од друга страна, производството на хималајска сол се врши во релативно „ефтина“ област, но се прави на традиционални начини за кои е потребно повеќе напор и време за вадење и преработка на сол.