Пиете многу газирани сокови? Еве зошто треба да ги исфрлите целосно

13 август, 2020
gaziran sok

Преголемата консумација на шеќер негативно влијае на здравјето на луѓето. Но, некои извори на шеќер се полоши од другите, а засладените сокови се дефинитивно најлоши на тој список.

Ова најмногу се однесува на засладени газирани пијалоци, но и овошните сокови, засладено кафе и други видови течности на кои е додаден шеќер не се исклучок. Подолу ви донесуваме три начини на кои газираните засладени пијалоци имаат лош ефект врз вашето тело.

Газираните сокови не создаваат чувство на ситост и се поврзани со зголемување на телесната тежина

Фруктозата е шеќерот кој најмногу се додава во газираните сокови, а докажано е дека, за разлика од гликозата, не создава чувство на ситост. Една студија покажа дека лицата кои почнале да пијат засладени газирани сокови, консумирале 17% повеќе калории дневно отколку кога не ги пиеле. Затоа, не сме изненадени од резултатите од истражувањата кои велат дека луѓето кои редовно консумираат газирани сокови имаат поголема тежина од луѓето кои не пијат сокови, а децата кои ги пијат имаат 60% поголема шанса да бидат дебели.

Голема количина шеќер го зголемува ризикот од замастен црн дроб

Гликозата е шеќер што може да се метаболизира во секоја клетка во телото, додека фруктозата може да се разложи само во црниот дроб. Иако прекумерното внесување калории, без разлика дали е гликоза или фруктоза, ги има истите ефекти врз човечкото тело, бројни студии покажаа дека фруктозата го зголемува ризикот од масен црн дроб и метаболички синдром.

Шеќерот драстично влијае на зголемувањето и акумулацијата на маснотии во стомакот

Кога станува збор за вишок маснотии во стомакот, не е само нешто за што повеќето луѓе се физички непривлечни. Има многу поголем проблем што масното ткиво и вишокот тежина во пределот на стомакот може да доведат до дијабетес и хормонални нарушувања. Еден од најголемите виновници за тоа е фруктозата од соковите.

Затоа, ако сакате да изгубите тежина, намалете го ризикот од хронични заболувања и живејте долго – намалете го внесот на газирани пијалоци со шеќер. Ако сте личност која едноставно мора да пие сокови, префрлете се на поздрави и природни варијанти.