Испробајте ја новата “Foiling make – up” техника: Љубителите на добрата шминка ќе бидат воодушевени
9 јуни, 20200
Што всушност значи “Foiling”?
Станува збор за прилично едноставен трик, кој подразбира да ги измешате сенката за очи со спрејот за фиксирање на шминка, такашто таа ќе трае подолго и ќе остане на своето место.
Наместо да ја нанесете прашкастата сенка со четкичка и да им се помолите на сите make – up богови таа да остане на вашите капаци, “foiling” техниката креаира еден вид на паста. Оваа паста настанува со мешање на прашкастата сенка со спрејот за фиксирање, со што се менува текстурата на сенката и таа станува густа.
“Foiling” техниката, чекор по чекор:
- Одберете ја вистинската сенка за очи: Make – up артистите секогаш советуваат за оваа техника да ги користите металик сенките, коишто на себе имаат “wet & dry” ознака
- Намокрете ја четкичката за сенка со фиксаторот – Откако ја одбравте вистинската сенка за очи, време е да додадете “влажен” медиум, а тоа е спрејот за фиксирање. Напрскајте ја четкичката со спрејот, а тој ќе делува како одличен посредник, бидејќи содржи во себе висок процент на глицерин.
- Нанесете ја сенката со “тапкање” – Најдобриот начин е да ја нанесете сенката над зениците на окото или во неговиот внатрешен дел.