Кажете им збогум на темните кругови под очите: Направете своја маска од состојка што сигурно ја имате дома!

31 август, 2020
GettyImages-1143915708

Компирите содржат висок процент на витамин Ц, кој помага во избелување на пегите и дамките од сонцето или акните, а исто така учествува и во создавањето на колаген, што ѝ дава на кожата цврстина и еластичност. Исто така, богата е со протеини кои го активираат процесот на регенерација на клетките на кожата и промовираат заздравување на раните.

Покрај тоа, компирот содржи витамини Б1 и Б2, скроб, калиум и калциум, кои ја негуваат и ја хранат кожата. Исецканите сурови компири ќе ги омекнат дури и најупорните темни кругови околу очите или подуени очни капаци по непроспиена ноќ. Маска за лице од компир помага и во случај на пеги и флеки, па ефикасно ја избелува кожата и го забавува процесот на стареење.

Оваа маска од компир е многу лесна за подготовка, а потребни ви се компири и моркови, како и малку куркума и бадемово масло.

Морковот е извор на бета-каротен, кој ја подмладува кожата, спречува формирање на брчки и поттикнува белење.

За да подготвите маска за лице од компир, треба: сварете мал излупен компир и мал морков, а потоа изгмечете ги и додадете ¼ лажичка куркума и половина лажичка бадемово масло. Мешајте додека не добиете фина паста. Нанесете ја вашата маска од компир на претходно исчистеното лице и оставете ја да делува 15 минути, а потоа исплакнете ја со ладна вода. Повторете најмалку еднаш неделно.

Оваа маска можете да ја користите не само за лице, туку и за други делови од телото каде што се локализирани дамките.