Конзумирањето на ОРИЗ го подобрува сонот: Што велат јапонските експерти!?

Јапонските научници потврдија дека луѓето кои редовно јадат ориз имаат подобар сон, додека оние кои јадат тестенини почесто имаат проблеми со спиењето.

Одредена храна има корисен ефект врз спиењето, а јапонските научници потврдија дека редовната потрошувачка на поголеми количини ориз помага при несоница. Храната со висок гликемиски индекс како ориз е богата со аминокиселина триптофан што предизвикува поспаност.
Триптофанот ја зголемува количината на серотонин во мозокот и го забрзува производството на мелатонин, хормон за спиење.

Луѓето кои редовно јадат ориз имаат подобар сон, додека оние кои јадат тестенини имаат поголема веројатност да имаат проблеми со спиењето. Нивниот сон често се прекинува и им треба повеќе време да заспијат, додека оние кои јадат ориз спијат подолго и подобро, открило истражување спроведено на 1848 испитаници.