Бонтон за во ресторан: Кога дамите НЕМААТ предност

Воспоставеното правило дека дамите секогаш имаат предност не се применува во сите ситуации, особено кога станува збор за бонтон во ресторан.

Мажот е првиот што влегува во ресторанот со цел да ја „истражи непозната територија“, односно да ја сними ситуацијата и да најде соодветна маса и, доколку е потребно, да се погрижи за резервацијата. Дамите имаат предност кога го напуштаат ресторанот, а оние мажи кои ја придржуваат вратата ќе заработат дополнителен плус.

Кога станува збор за аранжманите за седење, улогата на мажот е да седи на страната на масата од каде може лесно да го види келнерот и да му даде сигнал дека сака сметка.

Во случај да не ви се допадне нешто со храната, повикајте го келнерот и учтиво, но без одложување објаснете кој е проблемот. Не чекајте премногу, бидејќи ако ја “исчистите” чинијата, ќе биде потешко да се објасни дека не ви се допаѓа храната. Ако одлучите за вино, имајте на ум дека чашата треба да се држи за дршката(постоњето), не само заради отпечатоците од прсти, но и да не се загрева виното непотребно.

Ако сте збунети од бројот на прибор за јадење и по што да посегнете, нема да погрешите ако за секое јадење изберете прибор што е најоддалечено од центарот на вашата чинија – така, за првото јадење, користете го оној комплет кој е најнадвор и така натаму.

Ножот се држи во десната рака, а вилушката во левата рака, а кога сте завршиле со јадење, оставете ја вилушката и ножот да стојат паралелно едни на други. Тоа е јасен знак на келнерот дека тој може да ги земе вашите чинија и прибор за јадење од масата.