Кога љубомората станува опасна и како да ја препознаете?

Љубомората е навистина сложено чуство, а честопати е и главниот виновник за распаѓањето на многу бракови и врски. Понекогаш се изразува отворено и драматично, понекогаш прикриено но, во секој случај станува збор за емоција којашто многу лесно може да избега од контрола.

• Недостатокот на самодоверба и потребата да бидеме сакани се најзначајните поттикнувачи на ова непријатно чуство. Несигурните личности често се борат со чуството љубомора, поради страв дека ќе останат сами.

• Кога се сомневаме и немаме доволно доверба, често сме настроени кон тоа пребрзо да донесуваме заклучоци и да ги преувеличиме нештата. Љубоморната личност бара од својот партнер да го промени однесувањето. Во таа смисла, користи некоја форма на емоционална уцена.

• Покрај емоционалните, љубомората може да има и свои физиолошки манифестации, како што се немирот поради често преиспитување на ситуацијата, прекумерно потење, па дури и агресија и насилство.