Зошто хуморот е од голема важност за врската

16 мај, 2020
smea

Уште во старите времиња, познатата холивудска актерка Мерилин Монро изјави дека ако мажот може да ја насмее жената, тој може да стори сé. A, зошто е важно да знаете да се шегувате со вашиот партнер, покажа истражувањето на Џефри Хол од Универзитетот во Канзас.

Ако сериозно ја сфаќате секоја добронамерната провокација на партнерот, тоа би можело да биде главниот виновник за лошата врска.

Имено, Хол во текот на 30 години спровел 39 истражувања, во кои биле вклучени повеќе од 15.000 луѓе, а преку неговото истражување открил дека хуморот е клучен дел за градење на успешна врска меѓу паровите, пишува Joyscribe.

Хол понатаму објаснува дека партнерите треба да делат слично чувство за хумор за да ги добијат најдобрите резултати од врската.

„Луѓето велат дека сакаат нивните партнери да имаат чувство за хумор, но тоа е широк поим. Ако мислат дека сте смешни или дека можете да направите шега од сè, тоа не е она од што врската ќе преживее. Во овој случај, хуморот се смета за обичен, поврзан со задоволството од врската што паровите заедно ја развиваат “, истакна Хол, додавајќи дека е важно партнерите да се следат во тој контекст.

Во друга студија, тој наведува дека можноста да се смеeте едни со други, создава безбедност меѓу партнерите.

„Заедничкото смеење е важен показател за романтичната привлечност меѓу потенцијалните партнери“, истакнува тој.

Како и да е, тоа не значи дека треба да се навредувате со партнерот или да бидете безобразни и тоа да го правите преку смеа, туку дека треба да го усогласите разбирањето кога се шегувате на сметка на другиот.