Многу ја прават оваа грешка! Не прескокнувајте оброци поради слабеење! Еве што се случува со ОРГАНИЗМОТ ако го правите тоа!

24 јули, 2020
slabeenje

Симптоми како замор, исцрпеност, шеќер во крвта и бавен метаболизам, се само некои од многуте негативни ефекти.

Ако сте меѓу оние кои ги прескокнуваат оброците мислејќи дека побрзо ќе изгубат тежина, тогаш треба да знаете дека таквата исхрана има повеќе негативни отколку позитивни ефекти.

Еве за што станува збор и зошто воопшто не треба да го правите тоа.

Прејадување

Ако не јадете подолг временски период, веројатно во првата можност ќе се прејадете. Како што изгладнувате, вашето тело природно ќе бара повеќе храна за да ја надомести изгубената енергија. Исто така, прескокнувањето на оброците ја зголемува желбата за преработена и брза храна, така што на крајот јадете повеќе од порано.

Шеќер во крвта

На човечкото тело му се потребни јаглехидрати, кои имаат функција на гориво за организмот. Кога ги прескокнувате оброците, телото не ја добива вообичаената доза, со намалување на исхраната се намалува нивото на шеќер во крвта и сето тоа може да го зголеми ризикот од дијабетес во подоцнежниот живот.

Бавен метаболизам

Телото се прилагодува на животниот стил што го практикувате долго време, и ако нормално јадете три оброци, тогаш прескокнувањето може негативно да влијае на работата на метаболизмот. Кога забавува, слабеењето исто така забавува. Кога прескокнувате појадок, ручек или вечера, вашиот метаболизам ќе ја претвори маснотијата во енергија, а тоа може да ве направи склони кон проблеми како што се замор, низок крвен притисок и честа вртоглавица.

Се чувствувате уморно

Ако не јадете со часови, можеби ќе почнете да се чувствувате уморни. Исто така, кога стомакот е празен, може многу лесно да се појави вртоглавица. Кога нивото на гликоза ќе опадне во крвта, телото станува уморно и исцрпено, што негативно влијае на работата што ја правите, како и на вашето размислување. Важно е да јадете најмалку три пати на ден за да го одржите вашето тело енергично.