Најдобрата и најлошата диета за 2020 година

27 ноември, 2020
najbolja-dijeta-910x534

Научната проценка на влијанието на најпопуларните диети врз здравјето ќе ги реши сите ваши дилеми при изборот на начин за слабеење

Со почетокот на секоја нова година, милиони луѓе се колнат дека ќе почнат да живеат здраво, а она што најмногу ги интересира е која е најдобрата и најлошата диета. U.S. News and World Report традиционално прави годишно рангирање на најпопуларните диети како сериозна и корисна алатка за сите оние кои се збунети околу тоа која диета им одговара. Немаше премногу изненадувања на списокот „Најдобра и најлоша дтиета за 2020 година“. Медитеранската диета беше крунисана како победник трета година по ред, а една од најпопуларните диети во последната деценија – кето диетата, беше една од најголемите губитници на годината.

Најдобра: медитеранска диета

Фактот дека медитеранската диета е најдобра диета во 2020 година не треба да изненадува бидејќи е богата со овошје и зеленчук, здрави масти и цели зрна. Оваа диета има многу здравствени придобивки поддржани од науката, и беше голем победник на годината поради фактот што е „исклучително разумна“.

– За диетата да добие титула „најдобра“, земени се во предвид различни карактеристики, како што се рамнотежа, одржливост, вкус, прифатливост на семејството, одржливост, усогласеност со здравјето. Истражувањата се еден од главните критериуми што се користат за рангирање на диетите – а медитеранската диета историски се покажа како корисна и долго време беше „златен стандард“ во однос на докажаните резултати и за контролата на телесната тежина и за резултатите од здравјето. Бидејќи медитеранската диета е начин на живот во тој регион на светот веќе подолго време, истражувачите имаат многу податоци за нејзиното влијание врз контролата на телесната тежина и ризикот од хронични болести – објаснува д-р Дејвид Кац, директор на Центарот за истражување на превенција на универзитетот Џеил и 25 судии на панелот за проценка на исхраната.

Најдобра и во овие 4 категории

Медитеранската диета е прогласена за најдобра во 2020 година, бидејќи го зазеде првото место во четири други категории:

– Најдобра диета за здрава исхрана

– Наједноставната диета

– Најдобра диета за дијабетес

– Најдобра диета на растителна основа

Меѓутоа, ако целта ви е брзо да ослабете, медитеранската диета веројатно нема да ви помогне многу, бидејќи го доби најнискиот резултат во категоријата „Најдобра диета за брзо слабеење“.

Најлоша: кето диета

Една од најлошите диети оваа година, за изненадување на сите, беше познатата кето диета, која гарантира слабеење. Исхраната богата со маснотии и малку јаглени хидрати стана култна поради нејзините брзи ефекти. Сепак, за време на евалуацијата, експертите не криеја дека се многу загрижени затоа што кето диетата става акцент на храната богата со масти. Како што наведоа, оваа диета не е добра за здравјето на долг рок. Нема значително влијание во превенцијата од дијабетес и срцеви заболувања и нема доволно докази за да се обезбеди долгорочно слабеење. Не е доволно хранлива и тешко е да се следи.

Почитувањето на планот на исхрана е најтешкиот аспект на кето диетата. Експертите истакнуваат дека на луѓето им станува многу досадно да јадат само мрсна храна и месо. Покрај фактот дека е тешко да се придржувате кон исхраната, истражувачите наведуваат дека кето диетата може да доведе до недостаток на хранливи материи, да го промени цревниот микробиом и да го зголеми ризикот од воспаление. Исто така, слаб имунитет и лошо влијание врз менталното здравје. Единствената категорија во која кето диетата помина добро беше „Најдобрата диета за брзо слабеење“, каде се најде на третото место.